Aımaqtar • 28 Shilde, 2020

Almaty dárigerleri: Bul dezınfeksııalyq quraldardy 20 jyldan beri paıdalanyp kelemiz

18 ret kórsetildi

Almaty qalasynyń óńirlik kommýnıkasııalar qyzmetiniń alańynda ótken onlaın-suhbat barysynda Almaty onkologııalyq ortalyǵynyń dırektory Nursultan Izmaǵambetov dezınfeksııa pnevmonııanyń sebebi bolýy múmkin degen aqparatty joqqa shyǵardy, - dep habarlaıdy Egemen.kz.

"Biz aýrýhanalarda juqpaly aýrýlar bolmaýy úshin mindetti túrde ómir boıy dezınfeksııalyq quraldardy paıdalanamyz. Eden jýatyn sanıtarlar. Jumys rejımi aıaqtalǵannan keıin kabınetterdi dezınfeksııalaıtyn medbıkeler. Personal, barlyǵy birdeı pnevmonııamen aýyrmaıdy ǵoı. Biz osy dezınfeksııalyq quraldardy 20 jyl paıdalanyp kelemiz. Hlormen de. Osydan keıin personal pnevmonııamen aýyrǵan bolsa, odan keıin jumys isteýge kelisýi ekitalaı edi", - dedi Nursultan Izmaǵambetov.

Ol podezder, lıftter, jabyq ǵımarattarǵa dezınfeksııa jasaý kerektigin aıtty. Sebebi sóılesý, túshkirý kezinde bólinetin vırýs baspaldaq tutqalarynda, qabyrǵalarda, lıft batyrmalarynda qalýy múmkin.

Eske sala keteıik, Almatyda kópshilik oryndarda, medısınalyq mekemelerdiń aýmaǵynda, saýda nysandarynda, kópqabatty turǵyn úılerdiń podezderi men aýlalarynda jáne basqa da adamdar kóp jınalatyn oryndarda dezınfeksııalyq óńdeý júrgiziledi. Kireberister men aýlalardy dezınfeksııalaý úshin "Glıýzamın" jáne "Akma-Hlor" degen 2 túrli dezınfeksııalyq qural qoldanylady. Bular otandyq óndiristegi tekserýden ótken, QR Kedendik Odaǵynyń sanıtarlyq-gıgıenalyq talaptaryna sáıkes keletin preparattar. Olar óndirilýine, júzege asyrylýy men paıdalanylýyna ruqsat etilgen preparattar reestrine tirkelgen.

Atalǵan quraldar bakterııalar, vırýstar, qyshymalarǵa qarsy tıimdi, qaýiptiligi tómen 3 topqa jáne qaýiptiligi az zattardyń 4 tobyna jatady, titirkendirý áreketi joq jáne adamdar úshin, janýarlar jáne qustar úshin zııany joq.

Anyqtama úshin: dezınfeksııa úshin "Akma-Hlor" quramy bakterııaǵa qarsy qasıetke ıe, sonymen birge, erekshe qaýipti ınfeksııa qozdyrǵyshtaryna , sonymen birge, aýrýhana ishindegi ınfeksııalar qozdyrǵyshtaryn, metısıllen-rezıstentti stafılokokk, vankomısın-rezıstentti enterokokk, kókirińdi taıaqsha, týberkýlezdi, sonymen birge, Mycobacteriumterrae, vırýlısıdti, sondaı-aq, enteraldi jáne parenteraldi gepatıt (sonymen birge, A, V jáne S gepatıtteri), JITS, polıomıelıt, adenovırýstar, enterovırýstarǵa, rotavırýstarǵa, "atıpııalyq pnevmonııa" vırýstaryna (SARS), H5N1 "qus" tumaýyna, A/H1N1 "shoshqa tumaýyna", adam tumaýyna, gerpes jáne basqalary), fýngısıdke qarsy qoldanylady.

"Akma-Hlor" quraly óte ýlylyǵyna qaraı ishke engizilgen kezde qaýiptiligi tómen 3 topqa jáne terige jaǵý kezinde qaýiptiligi az 4 topqa jatqyzylady. Ýlylyq parametrleri konsentratqa qatysty belgilengen, kóppáterli turǵyn úılerdi óńdeý úshin paıyzy tómen eritindi qoldanylady.

Atalǵan quraldy ǵımarattardyń qatty jıhazdaryna, aspaptardyń syrt jaqtaryna, apparattardyń syrtqy betki qabattaryna profılaktıkalyq, oshaqtyq dezınfeksııa júrgizý úshin qoldanylady. Dezınfeksııany súrtý, sýarmalaý, batyryp qoıý, ezý tásilderimen júrgiziledi. Kóppáterli turǵyn úılerdi óńdeý úshin sýarmalaý tásili qoldanylady. Dezınfeksııa jasalǵannan keıin 3-5 saǵat boıy páterden shyqpaý usynylady. Basqarý organdarymen dezınfeksııa aıaqtalǵannan keıin podezderdi jeldetý qajettigi aıtylyp, túsindiriledi.

Sońǵy jańalyqtar

Úsharal garnızony tekserildi

Aımaqtar • Keshe

Jastar saıty iske qosyldy

Aımaqtar • Keshe

Ustaz joly

Rýhanııat • Keshe

Uqsas jańalyqtar