Medısına • 28 Shilde, 2020

Almaty ınfeksıonısteri dezınfeksııa pnevmonııa týdyrady degen aqparatty joqqa shyǵardy

21 ret kórsetildi

Búgingi tańda Almatynyń keıbir turǵyndary koronavırýs ınfeksııasynyń taralaýyn tejeý maqsatynda qala aýmaǵyna óńdeý jasalatyn dezınfeksııalaýshy qospalardyń densaýlyq úshin zııandy dep qaýiptenýde, dep habarlaıdy Egemen.kz.

Osyǵan baılanysty Almaty ınfeksıonısteri qalada júrgiziletin dezınfeksııa pnevmonııa týdyrady dep tarap júrgen aqparatty joqqa shyǵaryp, osyǵan baılanysty túsinikteme berdi. 

Dáriger-ınfeksıonıst, vırýsolog, bıoqaýipsizdik boıynsha maman, doktor Phd Qarlyǵash Ábdıeva barlyq preparattardyń tıisti tekserýlerden ótkenin atap ótti.

"Dezınfeksııanyń pnevmonııa týdyrýy múmkin emes, sebebi dezınfeksııaǵa arnalǵan barlyq preparattar qanshalyqty ýly bolatynyna tekserilip, test jasalady. COVID-19 vırýsy betki (ústińgi) qabatta uzaq saqtalady, kanadalyq Pathogen Safety Data Sheets (PSDSs) zertteýlerine sáıkes, koronavırýs belgili bir ylǵaldylyq pen temperatýrada 7-9 táýlik saqtala alady. Sol sebepti ústińgi qabatty tıisti preparattarmen dezınfeksııalaý vırýstyń taralýynyń aldyn alýda qajet", - dep atap ótti ol.

Sonymen birge, Qarlyǵash Ábdıevanyń aıtýynsha, COVID-19 vırýsy kúrdeli, sóılesý kezinde naýqas adamnyń silekeıinen vırýsy bar mıkrotamshylar bólinedi jáne olar betki qabatta shamamen 30 mınýt boıy saqtalady. Sondyqtan dezınfeksııa qajet, ásirese, elde koronavırýs ınfeksııasyn juqtyrý jaǵdaılary kóbeıgen kezde.
"Biz bárimiz bet arqyly qalaı juǵatynyn bilemiz, naýqas adam kelip, jaqtaýdy (perıla) ustaýy múmkin, odan keıin ony basqa adam kelip ustaıdy, keıin óziniń qolyn betine aparýy múmkin. Sonyń saldarynan tıisti dezınfeksııanyń bolmaýynan COVID-19-dyń ınfeksııany baılanys mehanızi arqyly taralý múmkindigi artady", - deıdi Qarlyǵash Ábdıeva.

-Kóshelerdi, turǵyn úı kireberisterin dezınfeksııalaý koronavırýs ınfeksııasynyń taralýynyń aldyn alýda maska taǵý jáne qoldy jıi jýý sııaqty qajetti sharalardyń biri.

О́z kezeginde, ınfeksııalyq bólim meńgerýshisi, ftızıohırýrg, Ftızıopýlmonologııa ortalyǵynyń pýlmonology Abzal Malbasqanov óńirlik kommýnıkasııalar qyzmetiniń alańynda ótken onlaın-suhbat barysynda dezınfeksııa pnevmonııa týdyrady degen aqparattyń shyndyqqa sáıkespeıtinin atap ótti. Ol turǵyndarǵa arandatýshylyqqa berilmeı, aqparatty resmı, ǵylymı derek kózderinen tekserýge keńes berdi.
"Qazir resmı derek kózderi bar. DDSU resmı jarııalanǵan derek kózderi, QR Densaýlyq saqtaý mınıstriliginiń, 100% zertteý júrgizetin ǵylymı tanymal jýrnaldar bar", - degen Abzal Malbasqanov ataýy joq arnalarǵa senýdiń qajeti joq ekenin aıtty.

Búginde Almatyda kópshilik paıdalanatyn oryndarǵa dezınfeksııa júrgizýdiń 28 kezeńi júrgizilýde, medısınalyq mekemelerdiń aýmaqtary, saýda nysandary, kópqabatty turǵyn úılerdiń kireberisteri jáne aýlalary jáne azamattar kóp jınalatyn basqa da oryndar. Kireberister men aýlalarǵa dezınfeksııalyq óńdeý júrgizý úshin "Glıýzamın" jáne "Akma-Hlor" degen 2 túrli dezınfeksııalyq quraldar qoldanylady. Bular otandyq óndiristegi tekserýden ótken, QR Kedendik Odaǵynyń sanıtarlyq-gıgıenalyq talaptaryna sáıkes keletin preparattar. Olar óndirilýine, júzege asyrylýy men paıdalanylýyna ruqsat etilgen preparattar reestrine tirkelgen. Atalǵan quraldar bakterııalar, vırýstar, qyshymalarǵa qarsy tıimdi, qaýiptiligi tómen 3 topqa jáne qaýiptiligi az zattardyń 4 tobyna jatady, titirkendirý áreketi joq jáne adamdar úshin, janýarlar jáne qustar úshin zııany joq.

Osy jumystarǵa qoldanylatyn qospalar atalǵan uıymdardyń arnaıy oqýdan ótken jáne kýáligi bar jaýapty dezınfektorlar daıyndaıdy. Turǵyn úılerdiń kireberisterin, oıyn alańdaryn, kópshilik paıdalanatyn basqa oryndardy dezınfeksııalaý adamdar joq kezde, dezınfeksııalaý ýaqytyn eskertýmen jine qaýipsizdik sharalaryn saqtaý týraly túsindirý arqyly júrgiziledi. Qala turǵyndaryna óńdeý jasalǵannan keıingi 5 saǵat kóleminde atalǵan oryndarǵa barmaý usynysy jasalady.

"Akma-Hlordyń" ózine tán ıisi bar ekenin, al "Glıýzamınniń" ıisi joq ekenin atap ótken jón. Sol sebepti "Akma-hlor" eritindisin paıdalanyp nysandarǵa óńdeý júrgizilgen kezde adamdar preparattyń ıisin sezýi múmkin, al "Glıýzamın" dezınfeksııalyq eritindisin paıdalaný kezinde ıisin sezbeıdi.

Almatyda qoldanylyp jatqan dezınfeksııalyq preparattarǵa júıeli zerthanalyq baqylaý júrgiziledi, baqylaý qala basshylyǵynyń erekshe nazarynda. Laboratorııalyq zertteýlerdiń sanıtarlyq-gıgıenalyq normalarǵa sáıkestigin tekserý úshin turǵyn úı saıasaty basqarmasy daıyn dezınfeksııalyq eritindilerden synama alyp, ony "Almaty qalasynyń ulttyq saraptama ortalyǵynyń" fılıalyna jetkizedi.
Halyq koronovırýstyq ınfeksııanyny taratý kózi naýqas adam nemese sımptomsyz naýqas ekenin esten shyǵarmaǵany jón. Aýrý júrgizilip jatqan dezınfeksııalyq sharalarǵa qatysy joq ártúrli formada sımptomsyz (jeńil túri) nemese ókpeniń patologııalyq zaqymdanýy men aýrýdyń órshýi oryn alatyn aýyr túrde bolýy múmkin.

Sońǵy jańalyqtar

Qyzylordada eki kúnde 36 adam ustaldy

Aımaqtar • Búgin, 17:51

Sora ekken turǵyn tergelýde

Aımaqtar • Búgin, 16:33

Alaqandaı Artem: 980 gramm ómir

Qoǵam • Búgin, 16:00

Arzan ton alamyn dep aldanyp qaldy

Aımaqtar • Búgin, 14:30

Bir aıda 20 mln teńge aıyppul

Aımaqtar • Búgin, 09:12

56 shaqyrymdy júzip ótti

Sport • Búgin, 08:33

Bıznesti qoldaý mańyzdy

Saıasat • Búgin, 08:24

Jastarǵa jan-jaqty kómek bar

Qoǵam • Búgin, 08:20

Uqsas jańalyqtar