Reıd barysynda polıseılerdiń kózinshe aıaldama mańynda qoqys tókken 1963 jyly týǵan saıajaıshyǵa qatysty ákimshilik hattama toltyryldy.
Polıseıler saıajaıshylar arasynda biraýyzdylyqtyń joq ekendigine de kóz jetkizdi. Bireýleri qoqys salatyn baktardyń joǵyn syltaý etse, basqa bireýleri jaýapkershilikti kórshi saıajaıshylar qoǵamyna aýdara salǵysy keledi. Úshinshileri bul máseleni ózderi emes, basqa bireýdiń sheshýin kútýde. "Ár saıajaı qoǵamy kez kelgen kommýnaldyq kásiporynmen qoqys shyǵarýǵa shart jasap, qoqys salatyn baktardy ornalastyrýy qajet. Bul jazaǵa tartylý qaýpinen qutylyp, saıajaı alaptarynda tártipti saqtaýǵa septigin tıgizedi. Jergilikti polısııa qyzmetiniń qyzmetkerleri aldaǵy ýaqytta da saıajaı qoǵamdastyqtary aýmaǵynda tártiptiń saqtalýyn qadaǵalaıtyn bolady", - deıdi Petropavl qalasy PB JPQ bólimi bastyǵynyń orynbasary, polısııa podpolkovnıgi Aıdyn Aqmaǵambetov.
Osyǵan uqsas máseleler "Solnechnyı" jáne "Borkı" kentterinde de baıqalýda.Jyl basynan beri Petropavl aýmaǵynda tazalyq saqtamaǵany úshin salynatyn aıyppul 641 ret qoldanylǵan. Polıseıler osyndaı buzýshylyqtardy anyqtaý jáne aldyn alý boıynsha jumysty turaqty júrgizýdi jalǵastyratyn bolady.
