Oqıǵa • 29 Shilde, 2020

Taldykól tabıǵı saıabaqqa aınalady

14 ret kórsetildi

Elordadaǵy Taldykól mańyn abattandyrý, kógaldandyrý jóninde osyǵan deıin de birqatar joba qarastyrylǵan bolatyn. Onyń ishinde Dısneılend ortalyǵyn qurý syndy kúlli astanalyqtardy beıjaı qaldyrmaǵan aýqymdy jobalar boldy. Jýyrda Nur-Sultan qalasynyń sáýlet, qala qurylysy jáne jer qatynastary basqarmasy atalǵan kóldiń mańynan ashylýy josparlanyp otyrǵan tabıǵı parktiń syzbasyn jarııalady.

Joba boıynsha, rekreasııalyq aı­maq­tyń aýmaǵy 5700 gektardy qam­tıdy. Saıabaq qalanyń ońtústik-batysynda – Qorǵaljyn shossesi, Sh.Aıtmatov kóshesi men K-1 aınalma joly aralyǵynda ornalasady dep jos­parlanyp otyr. Tujyrymdamaǵa sáıkes, park birneshe aımaqqa bóli­nedi. Onyń ishinde orman parki, sý­ly-batpaqty alqap, haıýanattar par­ki, safarı parki jáne etnopark qarastyrylǵan. Sondaı-aq jobada vızıt ortalyq, qonaq úı men meıramhanalar kesheni, balalar men sporttyq alańdar da kórsetilgen.

Qazir jasyl aımaqtyń tabıǵı ǵy­lymı negizdemesi jasalǵan. Park Qyzyl kitapqa engen qustar men ja­nýar­lardyń tirshilik etý ortasy retindegi tabıǵı qalpyn saqtaıdy, sonymen birge stýdentterge, bıologtarǵa, ıhtıologtarǵa, ornıtologtarǵa, eko­logtarǵa arnalǵan aıryqsha bilim orta­lyǵyna aınalady dep kútilýde.

Park jumysyna Ulybrıtanııadaǵy tájirıbe retinde londondyq sýly-batpaqty alqaptyń úlgisi, Rainham Marshes tabıǵı parki, Shervýd ormany men Minsmere qoryǵynyń úlgi­si paıdalanylmaq. Qarjy kózi – Uly­brı­tanııa qustaryn qorǵaý Koroldik qoǵa­mynyń bıoalýan­túr­lilikti saqtaý baǵ­dar­lamasy boıynsha bólingen grant.

Aıta ketý kerek, Taldykól kóli 1970-2015 jyldary sý jınaqtaý-býlandyrý qyzmetin atqardy. Jer­gilikti dárejedegi ornıtologııalyq mańyzdy aýmaqta maýsymdyq mıgrasııa kezinde qustardyń 200-ge tarta túrin kórýge bolady, onyń ishin­de buıra birqazan, aqbas úırek, suń­qyl­daq aqqý, aqquıryq sýbúrkit sııaq­ty erekshe túrleri bar. Sondaı-aq kól aýmaǵyna tıesili dalaly aýmaqta ósim­dikterdiń 98 túri tirkelgen.

 

Sońǵy jańalyqtar

Sora ekken turǵyn tergelýde

Aımaqtar • Keshe

Uqsas jańalyqtar