Saıasat • 29 Shilde, 2020

Aýyl ákimine taǵylǵan aıyp qandaı?

127 ret kórsetildi

Jambyl oblysynyń Moıynqum aýdanynda jergilikti turǵyndar men ákim­niń arasynda kelispeýshilikter týyndaýda. Naqty aıtsaq, Myńaral aýylynyń turǵyndary atalǵan aýyldyq okrýgtiń ákimi Zúbarjat Qamıeva­nyń qyzmette otyrýyna qarsy. Jergilikti jurtshylyq negizinen munda soń­ǵy kezderi eshqandaı jumys atqarylmaı jatqanyn, ákim aýyldy gúl­den­dirýdiń ornyna qaıta kópshilikti bir-birimen arazdastyryp otyrǵanyn aıtady. Tipti turǵyndar bul máseleni oblys ákimi Berdibek Saparbaevqa da jetkizgen. Oblys basshysy Moıynqum aýdanyna barǵan jumys sapary barysynda Myńaral aýyldyq okrýginde de bolyp, jergilikti turǵyndarmen kezdesken edi. Munda da negizinen turǵyndar aýyl ákiminiń máselesin oblys ákiminiń aldyna qoıyp, sheship berýin suraǵan bolatyn.

Myńaral aýylynyń tur­ǵyny Gúlzaǵıra Eshmaǵam­betovanyń aıtýynsha, aýyl ákimi Zúbarjat Qamıevanyń jumysy álsiz. Sonymen qa­tar sheneýniktiń sózi men isi­niń arasynda da alshaqtyq kóp eken. Sondyqtan da tur­ǵyndar ákimniń ornyn óz er­kimen bosatýyn talap etýde. Kópshiliktiń pikirinshe, ákim aýyldyń máselesin sheshpek túgili, aýyldastarynyń sózine qulaq asqysy da kel­meıdi. Bul rette aýyl tur­ǵyny Gúl­darııa Aqbasova aýyl áki­miniń azamattar ara­syn­daǵy alaýyzdyqqa yqpal etip otyr­ǵanyn da ashyna jetkizdi. «Sońǵy kezderi aýyl ákimi elmen aramyzdaǵy qarym-qa­tynastarda da kóptegen ke­­lispeýshilik týdyrýda. Onyń jalǵyz maqsaty – aýyl ákiminiń oryntaǵynan aıyrylmaý. Máselen, aýyldyq Mádenıet úıi uzaq ýaqyttan beri jumys istemeıdi. Alaıda ákimniń týystary sol jerden jalaqy alýda. Bul az deseńiz, ol aýyl turǵyndarynyń jartysyn qorqynyshpen ustap otyr. Biraq shydamnyń da shegi bar, biz endi barlyq jaqqa barýǵa daıynbyz», deıdi Gúl­darııa Aqbasova. Shyny kerek, aýyl turǵyndarynyń sózine súıensek, ákimniń qyzmette oty­rýyna eshqandaı da quqy joq.

 Moıynqum aýdany oblys ortalyǵynan shalǵaı aýmaqta ornalasqanymen, munda egin, mal sharýashylyǵy jaqsy jol­ǵa qoıylǵan. Myńaral aýyl­dyq okrýgine Myńaral aýy­ly, Myńaral stansasy jáne Qashqanteńiz aýyly ja­tady. Munda kópshilik negi­zinen «Jambyl sement­ óndiristik kompanııasy» meke­mesinde, Myńaral stan­sasyndaǵy temirjol beke­tin­de, «Kompanııa-Myńaral» jaýapkershiligi shekteýli se­riktestiginiń balyq zaýytynda jumys istep kúneltedi. Degenmen, osyndaı tirshilik arqyly óz kúnin ózi kórip júrgen kópshiliktiń talaby bireý-aq bolyp otyr eken. Myń­aral aýyldyq okrýginiń janyndaǵy Myńaral stan­sasynyń turǵyny Naǵıma Aqjolova sońǵy 35 jylda bul­ aýylda eshqandaı ózge­ris­tiń bolmaǵanyn aıtady. Onyń aıtýynsha, ákim ózekti máse­lelerdi sheshýde eshqandaı bastama kótermeıdi eken. «Ol kóshe dárethanasynyń mek­tep ishinde ornalasýy boıynsha da eshqandaı jumys júrgizgen joq. Zúbarjat Qamıeva­nyń ákesi 20 jyl boıy aýyl­dyq okrýg­ti basqardy. О́zi 7 jyl boıy ákim bolýda», deıdi tur­­ǵyn. Al Erlan Baı­jomar­tov aýyl ákiminiń jáne­ Myń­aral aýylyndaǵy qoǵam­dyq keńes tóraǵasynyń zań­syz áreketterine narazy eke­nin jetkizdi. Ol quzyrly oryn­dardan ákimniń zań aıasyn­­­da qanshalyqty jumys istep otyr­ǵanyn tekserýdi suraı­dy. «Aýyl turǵyndary bir­­­­­­­neshe ret ákimniń esep berý kezdesýlerine qa­na­­ǵat­tanarlyqsyz degen baǵa berdi. Aýylda na­razy­lyq bas­talsa boldy, ákim ke­­zekti eń­bek demaly­syna ne­­mese dekretke shy­ǵyp ke­­tedi», deıdi Erlan Baı­jo­martov. Al aýyl­dyq aqsa­qal­dar keńesiniń tór­aǵasy Ba­zarbaı Bókenov bolsa, aýyl áki­miniń basqarý qabi­letiniń tómendigin jáne óz jaýap­ker­shiligin sezine almaıtynyn jetkizdi. Sondyqtan da aýyl turǵyndary aýyl ákiminiń qyz­metinen bosaty­lýyn talap­ etýde. Turǵyndarmen kezde­sýde de Berdibek Sapar­baev jaqyn arada aýyl ákimi­­ne qatysty másele óz sheshi­min tabatynyn aıtqan. Aýyl áki­­mine qandaı shara qolda­ny­lady, turǵyndardyń tilegi qan­shalyqty oryndalady, bul endi aldaǵy ýaqyttyń en­shisinde. Degenmen, Berdi­bek Saparbaev ákimniń kreslo­sy muragerlik boıynsha­ beril­meıtinin, jeti jyl – aýyl­dy abattandyrý, turǵyn­dar­ǵa tıisti jaǵdaı jasaý úshin jetkilikti merzim ekenin atap ótken bolatyn. Oblys ákiminiń «2013 jyldan bastap ákim tek 4 eski elektr baǵanasyn aýys­tyrdy. Sonda aýyldaǵy 96 baǵandy aýystyrý úshin qan­sha ýaqyt qajet? Zúbarjat Tal­ǵatqyzy, siz Prezıdentke sha­ǵym jazdyńyz. Alaıda sizdiń barlyq áreketterińiz zańǵa qaıshy. Munda barlyq shaǵymdardy tekseretin arnaıy komıssııa jiberemiz. Eger zańsyz áreketter rastalsa, sheneýnik zań aıasynda jaýapkershilikke tarty­lady. Biz shaǵyn aýyl turǵyndary­nyń bir-birimen arazdasýyna jol bermeımiz», degen sózi de kóp jaıdy ańǵartqandaı.

Biz máseleniń mánisin bil­mek bolyp Myńaral aýyl­dyq okrýginiń ákimi Zúbar­jat Qamıevanyń ózine habar­las­qanymyzda, ol kezekti eńbek demalysynda bolyp shyq­ty. Alaıda ákim bizge aýyl turǵyndarynyń bul shaǵy­mymen kelispeıtinin jetkizdi. «Aýylda jumys joq emes, bar. 2015 jyly ǵana Myńaral aýylyndaǵy 3,2 shaqyrym jolǵa asfalt tóseldi. Sol sııaqty 2017 jyly Myń­aral stansasyndaǵy 3,1 sha­qy­rymdy quraıtyn Abaı kó­­shesi de asfalttaldy. Aýyl turǵyndary úshin tirshi­lik kózi de qalyptasqan. Má­se­len, «Jambyl sement ón­diristik kompanııasynda» 260 adam, «Kompanııa-Myń­aral» jaýapkershiligi shek­­teýli seriktestiginiń ba­lyq zaýytynda 80 adam ju­mys isteıdi. Sonymen qatar­ aýyl­daǵy, stansadaǵy mek­tep­ter­de, stansadaǵy temir­jol­da júzdegen azamat ju­mys at­qarady. Sondyqtan da tur­ǵyndardyń bul shaǵy­mymen kelispeımin. Úsh-tórt adam jınalyp alyp, meni qaralaýǵa kóshken», deıdi ákim. Sonymen qatar Zúbarjat Qamıeva Mem­­leket basshysy Qasym-Jo­mart Toqaevtyń atyna hat jazý sebebin jer­gilikti bas­shylyqtyń tarapy­nan qysym bolyp jatqanymen túsindirdi. Aýyl ákimi tur­ǵyndardyń Mádenıet úıine aıtqan sózine qatysty da pi­kirin bildirdi. Onyń aıtýynsha, aýyldyq Mádenıet úıi 1986 jyly sa­lynypty. Sodan ol 1996 jyl­ǵa deıin «Kompanııa-Myń­aral» jaýap­kershiligi shek­teýli seriktestiginiń balyq zaýyty­nyń teńgeriminde bolypty. Atal­ǵan nysan sodan beri jón­deý kórmegen eken. «Aýyl­dyń Mádenıet úıine kúr­deli jóndeý jumystary qajet. Búginde munda bir shtat­­­tyq birlikte jalǵyz adam ǵana jumys atqarady. Biraq tıisti is-sharalar ótip turady. Mádenıet úıi jabyq emes», deıdi Zúbarjat Qamıeva.

Aýyl turǵyndary men ákim­niń pikiri osyndaı. Bir tarap basshynyń ketýin qa­lasa, bir tarap óziniń aq, adal ekenin aıtyp dabyl qa­ǵýda. Degenmen endigi máse­leniń­ qalaı bolatyny, jaǵ­daı­dyń qalaı órbıtini alda qury­latyn komıssııanyń she­­­shimine baılanysty bolyp tur.

 

Jambyl oblysy

 

Sońǵy jańalyqtar

Aýylda 90 oryndyq balabaqsha ashyldy

Aımaqtar • Búgin, 23:07

Turǵyn úıdegi órt tez sóndirildi

Aımaqtar • Búgin, 23:05

Terezeden qulap ketken bala qaıtys boldy

Aımaqtar • Búgin, 18:13

Dıplomattar 150 noýtbýk syılady

Qazaqstan • Búgin, 17:50

Qala ákimi sportshylarmen kezdesti

Aımaqtar • Búgin, 15:58

Memleket basshysy Baqyt Sultanovty qabyldady

Prezıdent • Búgin, 15:40

Muqanovtanýǵa qosylǵan súbeli eńbek

Ádebıet • Búgin, 15:21

Prezıdent Beıbit Atamqulovty qabyldady

Prezıdent • Búgin, 15:08

Qazaqstanǵa ekolog-zańgerler qajet

Ekologııa • Búgin, 14:49

Senatorlar onlaın-kezdesý ótkizdi

Parlament • Búgin, 14:42

HQO-da analarǵa qurmet kórsetildi

Aımaqtar • Búgin, 13:35

Uqsas jańalyqtar