Qoǵam • 29 Shilde, 2020

Azadan aqsha jasaǵandar jazalanady

37 ret kórsetildi

Bireýdiń qaıǵy-qasiretinen tabys tabýǵa umtylǵan miskinder myna dúnıede bolmasa da ana dúnıede jaýap beretini anyq. Alaıda, qazirgi jaǵdaıda qoǵam turaqtylyǵy úshin bireýdiń azasy men qazasynan aqsha jasap jatqandar tizginin tartyp, mindetti túrde jazasyn alǵany jón. Qandaı jolmen bolsa da baıyǵysy keletin qorqaý dúnıeqońyzdyq bar­lyq kezde bolǵan. Adammen birge jasap kele jatqan ashkózdik kisiniń kóz jasy, obal, saýabyna qaramaıdy.

Sondyqtan da kóz aldy­myzda kerekti dári-dár­mek­ter kúrt qym­battady. Qol­dan jasalǵan dárilerdiń jetispeýshiligi mu­qym jurt­ty úreı qushaǵyna qamady. Saldary adam aǵza­syna ora­san zııan keltiretinin túı­sinip turyp, jasandy pre­parattardy satpaq bol­ǵan alaıaqtar tabyldy. Kór qazý­shy­lardyń eńbek quny ósti. Jýyrda gazetimizde «Be­ıit basyndaǵy bıznes nemese Al­matydaǵy qaraly kásiptiń bú­gingi baǵasy» degen másele kóterýge májbúr bolǵan edik. Qazir bul máselege qatysty shahar bıligi naqty áreketke kóshti deýge bolady.

Al alda Qurban aıt ke­le jatyr. Bir Allanyń rı­za­shylyǵy úshin joq-jitik­ke qurbandyq shalyp, saýap­qa bólengisi keletin mu­syl­mandar qandaı kúrdeli ke­zeńde tursaq ta jaqsy amal­ǵa umtylary anyq. Al mun­daı kezde maldy beınetin kó­rip baqqandar emes, ortada júretin deldaldar men alypsatarlar bir ba­ıyp qalýǵa umtylatynyn jyl­da kóz kóredi. Eger mun­daı bolmasaq, elordada ót­ken brıfıngte Bas múftı Naýryzbaı qajy Taǵanuly: «Ási­rese, zırattaǵy jer qu­nyn aspandatyp jibermeıik. Jerleý rásimderine qatysty qyzmet baǵasyn da qoldan sha­ryqtatpaıyq. Syndarly sátte halyqtyń jaǵdaıyn esker­genimiz abzal. Ar men uıatty esten shyǵarmaıyq, aǵaıyn! Osyndaı qıyn-qystaý shaq­ta azamattardy pen­deshilikke sa­­­lynyp, paıda tabý men alyp­­­satarlyqqa barmaı, mal ba­ǵa­syn qymbattatpaýǵa, ha­lyq­­tyń jaǵdaıyn eskerýge sha­­qyramyn. Qasapshylar da bu­rynǵydaı óz qyzmeti úshin ala­tyn aqysyn kótermeı, ja­na­­­shyrlyqpen elge qyzmet ete­­di dep úmittenemiz», demes edi.

Degenmen, qaı istiń bolsyn jaýaby bolady. Almatyda ótken on­laın-jıynda qala ákimi Baqytjan Saǵyn­taev: «Aqsha jasaýǵa» tyrysqan azamattar jazalanatyn bolady dep anyq aıtty. Dári-dármek pen jerleý qyzmeti baǵasynyń ósýi haqynda sha­har basshysy qynjyla oty­ryp, naqty derekterdi alǵa tartyp, qala turǵyndaryn bir­­­-birine qaıyrly bolýǵa sha­­­qyrdy. Qala ákimi ózi aza­ly bolyp otyrǵan 8 adamnyń ashyn­­ǵannan Polısııa de­par­tamentine zırat jumys­shylaryna qatysty res­mı túrde shaǵymdanǵanyn aıtty. Al mundaı jaǵdaıda qaı­ǵysymen álek bolyp, bastan qulaq sadaǵa dep otyrǵandar qanshama?! О́tinish bil­dir­gen­derdiń aıtýynsha, olar jerleý qyzmetteri úshin qosymsha aqy tóleýge májbúr bolǵan, olardy bel­gi­lengen qunǵa qosymsha 70-ten 80 myń teń­gege deıin tóleýge májbúr etken.

Pre­­zıdent tapsyrma­syn oryndaý maq­sa­tynda Al­matyda zırat qyzmet­kerle­riniń zańsyz is-áreketiniń jolyn kesý úshin arnaıy jedel-tergeý toptary qurylǵan. О́tken aptada eki azamat qol­ǵa tústi. Jerleý kezinde zań­­syz­dyqtyń jolyn kesý maqs­atynda basqa da jerleý oryndary tekserilip jatyr.

Dárilik zattardy zańsyz satý jáne onyń baǵasyn kó­terý faktilerin anyq­taý jáne jolyn kesý maqsatynda pro­­kýratýra, PD, JD, TQSBQD, jer­gi­­lik­ti polısııa qyz­metiniń qyzmet­ker­­lerinen turatyn mobıldi top qu­ryldy.

Qazirgi tańda joǵarydaǵy jaıt­tarǵa qatysty osyndaı 100-den astam quqyq buzý­shylyq anyqtaldy, onyń 24-inde dárilik zattardy satý faktisi boıynsha qylmystyq is tirkelgen. Osy isterdi tergeý sheńberinde 986 qaptama (levosın, ıngavırın, fraksıparın, azıtromısın jáne t.b.) dá­rilik zattar, sondaı-aq 8,5 mln dana medısınalyq maskalar alynyp, sta­sıo­narlarǵa berildi.

Qala dárihanalarynda dá­ri-dár­mekterdiń baǵasyn zań­­syz kóterýdiń 93 faktisi anyqtaldy. 39 adam ÁQBK 426-baby «farmasevtıkalyq qyzmet jáne dárilik zattar men me­dı­sınalyq buıymdar aınalymy sala­syndaǵy ere­je­lerdi buzý» boıynsha ákim­shilik jaýapkershilikke tartyldy.

«Qalada medısınalyq bu­ıymdar men dárilik preparat­tardy alyp satatyndar baı­qaldy. Olar kóterme saýdada eń tanymal dári-dármekterdi satyp alyp, ınternette habarlandyrý bergen. Biz árbir osyndaı habarlandyrýdy Almaty qalasynyń Polısııa departamenti arqyly baqylap, «satyp alýshy» beınesinde olarǵa kelip, odan ári qajetti sharalar qabyldadyq. Osy­laısha, biz 8,5 mln teńgege dá­ri-dármekter tárkiledik», de­di ákim.

 

ALMATY

 

Sońǵy jańalyqtar

Beınebaqylaý kamerasynyń kómegi kóp

Aımaqtar • Búgin, 22:42

Úsharal garnızony tekserildi

Aımaqtar • Búgin, 20:26

Jastar saıty iske qosyldy

Aımaqtar • Búgin, 18:37

Apat eki adamnyń ómirin qıyp ketti

Aımaqtar • Búgin, 18:30

Sýǵa ketken balalar tabylmaı jatyr

Aımaqtar • Búgin, 17:55

Aqmaral Álnazarova – Senat depýtaty

Saıasat • Búgin, 16:18

Ustaz joly

Rýhanııat • Búgin, 16:00

Uqsas jańalyqtar