Álem • 29 Shilde, 2020

COVID-19: Ábigerge toly álem

28 ret kórsetildi

AQSh-ta 100 myń adam COVID-19-ǵa qarsy vaksına shyǵarý úshin klınıkalyq tájirıbeden ótýge peıildi ekenin bildirdi.

AQSh Ulttyq allergııalyq jáne ınfeksııalyq aýrýlar ınstıtýtynyń dırektory Entonı Faýchıdiń aıtýynsha, búginde 30 myń amerıkalyq ıgilikti iske iriktelip alynǵan. Alaıda, zertteý barysynda áli de ondaǵan myń erikti qajet bolýy múmkin.

* * *

Novosibir memlekettik ýnıversıtetiniń ǵ­a­lym­­dary COVID-19-dy 40 sekýnd ishinde joıatyn ádis tapqanyn habarlady.

Fotodınamıkalyq terapııada zertteý júrgizgen ǵalym­dar lazer qýatynyń az mólsherimen dárilik fotosensıbılızatorlardyń mardymsyz bóligine tájirıbe júrgizgen ýaqytta, qas qaǵymda SARS-CoV-2 vırýsty sýspenzııasynyń belsendiligi múlde joıylǵan. Ǵalymdar fotodınamıkalyq terapııa kómegimen koronavırýsty emdeýge bolatynyna kóz jetkizgenderin aıtady.

Medısınada FDT salasynda zertteýler buryn da nátıjeli bolǵanyn aıta ketken jón. Máselen, AQSh ǵalymdary aǵzadaǵy ózge jasýshalarǵa keri áserin tıgizbesten, tek obyr jasýshalarynyń kózin osy ádispen qurtqan edi.

* * *

Jýyrda Iranda bir táýlik ishinde KVI juqtyrǵan 2,5 myń adam esepke alyndy.

Sonymen Iran boıynsha COVID-19-ǵa shaldyqqandardyń sany artyp, 281 myń adamnyń juqtyrǵany málim boldy. Bul jaıynda Iran Densaýlyq saqtaý mınıstrliginiń resmı ókili Sıma Sadat Ları IRINN telekanalyndaǵy efır ýaqytynda aıtty.

* * *

Shvesııada COVID-19-dan kóz jumǵandardyń sany táýlik ishinde 21 adamǵa kóbeıdi dep jaza­dy atalǵan eldiń Qoǵamdyq densaýlyq saq­taý agenttiginiń málimetine súıengen «Aftonbladet» ga­zeti.

Qazir Shvesııanyń batysyndaǵy jaǵajaılar, pırstar men meıramhanalar, barlar men dámhanalar demalýshylarǵa toly kórinedi. Jylda osy mezgilde bul jaǵalaýlarda adamdardyń qaınap jatýy úırenshikti jaǵdaı bolǵanymen, qazirgideı pandemııa kezinde munyń eldegi epıdemııalyq ahýalǵa keri áseri tımeı me degen qaýip joq emes, deıdi shvesııalyq «Expressen» gazeti.

* * *

AQSh-ta COVID-19-ǵa qarsy eki vaksına sońǵy synaqtardan ótip jatyr eken.

Jaqyn arada taǵy 4 vaksına tájirıbelik synaqtardan ótýdiń sońǵy satysyna jetpek. Aıta ketken jón, AQSh-qa pandemııa tyrnaǵy qatty batyp otyr. Búginge deıin 4 028 733 adamda vırýs barlyǵy anyqtalyp, pandemııa basynan beri 144 958 adam dúnıe salǵan.

* * *

Ispanııa Densaýlyq saqtaý mınıstriliginiń máli­metterine qaraǵanda COVID-19-dan qor­ǵa­ný­ǵa arnalǵan rejim bosańsyǵan bir aıdyń ishin­de oǵan shaldyqqandar sany 40 paıyzǵa artqan.

Ásirese, aýyrǵandar Katalonııa men Aragonda kóbeıip, jergilikti bılik karantındik sharalardy qataıtýǵa májbúr bolypty. Turǵyndarǵa asa dilgirlik týmasa úılerinen shyqpaýy, 10 adamnan artyq esh jerde jınalmaý qajettigi aıtylǵan. Jaǵajaılarda da qatań saqtyq tártibin saqtap, betti tumshalap, araqashyqtyqty ustaý eskertilgen.

* * *

Pandemııanyń álem elderiniń ekonomıkasyna tıgizgen zardaby esepke alynar. Soltústik kórshimiz Reseı memleketinde jumyssyzdar sany maýsym aıyndaǵy málimet boıynsha 4 mln 606 myń adamdy qurady.

Rosstattyń habarlaýynsha, bul byltyrǵy mamyr aıyndaǵy eseppen salystyrǵanda 93 myń adamǵa artyq. Jumyssyzdyq kórsetkishi aı sa­ıyn artyp, naýryzda – 4,7, sáýirde – 5,8, mamyrda – 6,1, al maýsymda 6,2 paıyzǵa ósken. Byltyr barlyq jumyssyzdyq kórsetkishi 4,3 paıyzdy quraǵan. Reseı Ekonomıkalyq damý mınıstri Maksım Reshetnıkov pandemııa bastalǵaly 680 myń reseıliktiń jumysynan qysqartylǵanyn, al sáýirdiń basynan 2 mln otandasynyń jumyssyz bolyp tirkelgenin aıtqan edi.

* * *

COVID -19-dy anyqtaý úshin tapsyrylatyn testte aǵzada vırýs barlyǵy nege anyq­tal­maı­ty­ny jaıynda reseılik vırýsolog aıtyp berdi.

Reseı Joǵary ekonomıka mektebi densaýlyq saqtaý ınstıtýtynyń dırektory Larısa Popovıch test boıynsha vırýs anyqtalmaýynyń sebebin aıtyp berdi. Ǵalymnyń túsindirýi boıynsha, test tapsyrǵan ýaqytta ınfeksııanyń anyqtalýy vırýstyń belsendi qalpyna nemese aǵzanyń ımmýndyq júıesiniń shabýylynan álsiregen kúıine baılanysty kórinedi. Eger belsendiligi azaıyp, álsirep tursa kórinbeı qalady. Mundaı jaǵdaılarda test antıgendi durys taba almaı adasyp, ózge vırýstan qalǵan izderdi kórýi múmkin. Sondyqtan testti birneshe ret tapsyrý qajet, áıtpese tasadaǵy vırýs jasyrynǵan qalpynda qalady. L.Popovıch búginge deıin Reseıde vırýstyń 100-den astam shtamy anyqtalǵanyn, al testileýdiń 4 paıyz shamasynda aýytqıtyny jóninde aıtqan.

* * *

Londondaǵy Kıngs kolledjiniń ǵalymdary COVID-19 úshin vaksına jasaý qajet bolmaýy múmkin degen málimdeme jasady. Bul jaıynda «The Guardian» jazady.

Oǵan sebep, KVI-men aýyryp turǵandardyń barlyǵynda birdeı vırýsqa qarsy antıdenelerdiń túzilmeýi jáne qalyptasqan kúnniń ózinde onyń qysqa merzimge ǵana aǵzada saqtalyp, ári qaraı joıylyp ketýi bolǵan.

Kıngstik ǵalymdar COVID-19-dan saýyǵyp turǵan 90 adamǵa zertteý júrgizip, olardyń 60 paıyzynda vırýsqa qarsy turatyn antıdene qalyptasqanyn, al arada 3 aı ótkende olardyń 17 paıyzynda ǵana antıdene saqtalǵanyn, tipti keıbirinde vırýsqa qarsy turatyn dene múlde túzilmegenin anyqtaǵan. Bul –KVI-men bir aýyryp turǵan adamnyń araǵa biraz ýaqyt salyp qaıtadan juqtyrýy múmkin degen sóz. Sondaı-aq álem ǵalymdarynyń COVID-19-ǵa qarsy vaksına jasaý jolyndaǵy eńbegine de kúmán týdyrǵan zertteý qorytyndysy ekenin aıta ketken jón.

 

Toptamany daıyndaǵan

Anar TО́LEÝHANQYZY,

«Egemen Qazaqstan»

 

Sońǵy jańalyqtar

Aýladaǵy «Ashyq kitaphana»

Aımaqtar • Búgin, 07:19

Syn aıtý ońaı...

Qoǵam • Búgin, 07:07

Siz nege túshkiresiz?

Rýhanııat • Búgin, 07:00

Indet juqtyrý qarqyny tejeldi

Qoǵam • Búgin, 06:57

Vırýsty joıatyn betperde óndiredi

Qoǵam • Búgin, 06:56

Álemdi ýysynan shyǵarar emes

Álem • Búgin, 06:54

Onlaın keńes ótkizdi

Saıasat • Búgin, 06:50

Shyǵystyń kıeli jerleri

Aımaqtar • Búgin, 06:48

Muzdyqtar «muńy»

Álem • Búgin, 06:41

Astyq tasymaldaýǵa daıyn

Ekonomıka • Búgin, 06:39

Eńbekpen er atanǵandar

Qoǵam • Búgin, 06:34

Qoı sharýashylyǵyn qunttasaq...

Ekonomıka • Búgin, 06:32

Vals koroli

Rýhanııat • Búgin, 06:30

Apple-di tańdandyrǵan Asqar

Aımaqtar • Búgin, 06:30

Bárimizge bir samǵaý qajet edi...

Ádebıet • Búgin, 06:24

Juldyzdaı aǵyp ótken jasyn-ǵumyr

Oqıǵa • Búgin, 06:20

Festıval eki kúnge jalǵasty

Abaı • Búgin, 06:18

Qaı elderge shyǵýǵa ruqsat berilgen?

Týrızm • Búgin, 06:13

Elektrondy qyzmet úlesi ósti

Tehnologııa • Keshe

Uqsas jańalyqtar