Aımaqtar • 29 Shilde, 2020

Dári jetkilikti dese de...

33 ret kórsetildi

Pavlodar óńirindegi Eko­no­mı­kalyq tergeý departamenti baqylaý basqarmasynyń bas­shysy Jolaman Qınalbekov­tiń málimetinshe, oblys orta­lyǵyndaǵy dáriha­na­lar­dyń birinde elimizde tirkel­megen dári-dármek saý­da­lan­ǵan. Bar­lyǵy 22 túrli prepa­rat­tardyń 670 oramasy anyq­ta­lyp, tárkilendi.

Dárilerdiń tirkeý kýáligi men dári-dármek saraptamasynda qaýipsizdik jáne sapa sertıfı­ka­ty bolmaǵandyqtan zańsyz ákelingen. Qazir atalǵan fakt bo­ıyn­sha sotqa deıingi tergeý amaldary júrgizilýde. Sondaı-aq shilde aıynan bas­tap departament qyzmetkerleri dári-dármekti shamadan tys baǵamen satýdyń segiz oqıǵasyn anyqtady. Úsh dári­ha­na ıesi men qyzmetkerleri aıyp­pul tóleýge májbúr bolǵan. Qazir olarǵa farmasevtıkalyq qyzmetpen aınalysýǵa tyıym salý máselesi qarastyrylýda. Al № 3 qalalyq aýrý­hanaǵa 1,5 mln teńgege Nur Otan partııasy qalalyq fılıaly, kásipkerler, máslıhat depýtat­tary kómek kórsetti. Kómek barysynda medısınalyq qural-jabdyqtar: tonometr, zalal­syzdandyrýǵa arnalǵan qural­dar, 200 jıyntyq tósektik oryn berildi. Partııa ókilderi bas­taǵan top buǵan deıin 8,5 mln teńgege Baıantaý, Moıyldy provızorlyq ortalyqtaryna jáne psıhonevrologııalyq dıs­pan­­serge de dári-dármekter jet­kiz­gen.

Qazir óńirdegi provızorlyq ortalyqtarda 25 dáriger, 47 med­bıke, 50 sanıtar jumys isteý­de. Qazir onda 177 jeńil jáne ortasha deńgeıdegi naýqas jatyr. Ortalyq ashylǵan kúni 250 adam bolsa, osy kúnge deıin 120 adam saýyǵyp shyqty.

Oblys ákimi Ábilqaıyr Sqaqov óńirdegi turaqtandyrý qorynan bólingen dári-dármekterdiń oblys ortalyǵyndaǵy dári­ha­nalar­ǵa bóliný barysyn tekserdi. Qa­la­­daǵy 44 dárihanaǵa dene qyz­ýyn túsiretin, vırýsqa qarsy pre­parattar, sondaı-aq antı­koa­gýlıanttar men antıbıo­tık­ter kelip túsken. Al dári­ha­nalar farmasevteri parasetamol, ksarelto, sýmamed, seftrıakson jáne suranysqa ıe taǵy basqa dári-dármekter áke­lin­genin,boljam boıynsha onyń kólemi bir aptaǵa jetkilikti eke­nin aıtyp berdi.

– Qazirgi mindet – dári­ha­na­lar­daǵy dári-dármek qoryn eki aptalyq kólemge, sodan soń bir aılyq kólemge deıin arttyrý. Kúzgi kezeńge daıyn bolýymyz kerek, – dedi óńir basshysy.

Jalpy, dári-dármekterdiń turaqtandyrý qory dárihanalyq jelide dene qyzýyn túsiretin, vı­rýsqa qarsy preparattar, antı­bıotıkter men antıkoagý­lıant­tar turaqty túrde bolýy úshin qurylǵan. Turaqtandyrý qoryn iske qosý kezinde Á.Sqaqov ár qala men aýdandaǵy epı­de­mııalyq jaǵdaı jónindegi naqty aqparat negizinde dári-dármekterdi óńir dárihanalaryna ádil bólýdi tapsyrǵan bolatyn. Sonymen qatar oblys ákimi dárihanalarǵa dári-dármekterdiń túskeni týraly turǵyndarǵa ýaq­ty­ly jáne tolyq aqparat berý qajettigin atap ótti.

Turaqtandyrý qorynyń bi­rin­shi leginen dári-dármekterdi oblystyń 88 dárihanasy aldy. Onyń tizimin qalyptastyrý sala­lyq qaýymdastyqtyń qa­ty­sýymen ótti. Jedel shtabta osyǵan deıin satylymǵa túsken pre­parattardyń barlyq ataýy men dárihanalardyń mekenjaılary jarııalandy. Turaqtandyrý qorynan kelip túsken dári-dár­mekter Pavlodardaǵy – 44, Eki­bas­tuz qalasy men aýyl­dyq aýmaq­tarynda – 25, Aqsý qa­la­synda – 4, aýyldyq aýmaq­ta­ryndaǵy 15 dárihana dári-dármek aldy. Ony jetkizý «Pavlodar» ÁKK, jetkizýshi kompanııa, Taýarlar men kórsetiletin qyzmetterdiń sapasy men qaýip­siz­digin baqylaý komıtetiniń de­p­artamenti, kásipkerlik jáne saýda basqarmasy, sonymen qatar «Qazmedfarm» JShS dárigerleri, provızorlar men farmasevter qaýymdastyǵyna mindettelgen. Nátıjesinde «Pavlodar» ÁKK jáne elimizdegi farmasevtıkalyq kompanııalardyń biri óńirdegi jáne elimizdegi epı­de­mııa­lyq jaǵdaıǵa baı­lanysty suranysqa ıe dári-dármektiń 37 túrin óńirdegi dárihanalarǵa úzdiksiz jetkizýge múmkindik beretin kelisimge qol qoıdy.

О́ńirdegi dárihanalarǵa 90 myńǵa jýyq qaptama men qu­ty­daǵy antıbıotıkter, 61 myńnan astam qaptama men qutydaǵy dene qyzýyn túsiretin dári-dármek jáne 19 myńnan astam qaptama men qutydaǵy vırýsqa qarsy preparattar jetkizildi. Sondaı-aq aýdandyq dárihanalarǵa 13600 qaptama men qutydaǵy dene qyzýyn túsiretin dári-dármek – aspırın, parasetamol, ıbýfen jáne taılolfen jiberilgen. Oblys ákiminiń tapsyrmasymen medısınalyq saqtandyrý qorynyń qarajatyn qaıta bólý tásili arqyly emhanalar men aýrýhanalardyń qazirgi qajettilikterin eskere otyryp, qordaǵy qarajat turǵyndardy úıde emdeýge arnalǵan mobıldi brıgadalar sanyn arttyrýǵa jum­­salmaq. Búgingi tańda emha­na­lyq jeli negizinde 59 mobıldi brıgada jumys isteıdi.

– Qazir táýligine 1,4 myń úıge shaqyrýǵa qyzmet kórsetetin mobıldi brıgadalardyń sany 93-ke jetti. Stasıonarlar men dárihanalar dári-dármekpen qamtamasyz etilýde, – deıdi Densaýlyq saqtaý basqarmasy basshysynyń mindetin atqarýshy Birjan Dosmaıylov.

«Úıdegi stasıonardyń» erek­she­ligi – dáriger naýqasty ǵana emes, onyń otbasynyń da jaǵ­da­ıyn baqylaýǵa múmkindigi bar.

– Búginde medısınalyq uıym­­dar buryn jasalǵan shart­tar bo­ıynsha dári-dármek alady, – dedi óńir basshysy. – «Med­ser­vıs» dıstrıbıýtory arqyly asetılsalısıl qyshqylynyń 10 myńǵa jýyq qaptamasy, sondaı-aq parasetamol, tabletkalanǵan antıbıotıkter, ıneksııalyq jáne vırýsqa qarsy preparattar jetkizildi. Qosymsha ótinim 1,5 mlrd teńgege jýyq somaǵa satyp alýǵa berildi, bul maqsatqa 33 ataýly antıbıotıkter, trombolıtıkter satyp alynady.

Al jurt indetten qalaı saýy­ǵyp shyǵamyz dep jat­qan­da, dári-dármekterdi alyp­sa­tarlyq jolmen satýdyń 20 faktisi anyqtaldy. Polısııa qyzmetkerleri dári-dármekterdi zańsyz satýǵa baılanysty qu­qyq buzýshylyqtardy anyq­taý boıynsha áleýmettik jelige tu­raq­ty negizde monıtorıng júrgizýde. Oblystyq polısııa departamenti baspasóz qyz­meti­niń málimdeýinshe, alyp-satýlar jedel-izdestirý is-sharalaryn júrgizý barysynda anyqtalǵan.

 

Pavlodar oblysy

 

Sońǵy jańalyqtar

Uqsas jańalyqtar