Medısına • 29 Shilde, 2020

Emdeý júıesine ózgerister engizildi

15 ret kórsetildi

Almaty qalasynda medısınalyq kómek kórsetý tásilderin ózgertý tósektik oryn qorynyń júktemesin azaıtýǵa septese bastaǵanyn baıqaýǵa bolady. Shaharda jedel járdem men emhanalardyń, stasıonarlardyń jumysynan bastap barlyq baǵyttar boıynsha jumys tásilderi ózgertildi.

Qalalyq qoǵamdyq densaýlyq basqarmasynyń basshysy Ka­mal­jan Nadyrov sonyń nátıjesinde, jumys júıelene bastaǵanyn, buǵan deıin klınıkalar pro­vı­­zorlyq jáne ınfeksııalyq stasıonarlarǵa bólingen bolsa, búginde pasıentter jaǵdaıynyń aýyrlyq dárejesine qaraı bólinetinin jetkizdi.

«Biz ony úsh sanatqa bóldik. Birinshi sanatta – eń jaqsy materıaldyq-tehnıkalyq bazasy bar klınıkalar, onda ozyq reanımasııa qyzmeti, qajetti mamandar jıyntyǵy bar. Ekinshi sanattaǵy klınıkalarda mamandar bar, biraq reanımasııalyq tósektik oryn sany az. Úshinshi sanattaǵy klınıkalarǵa biz aýrýynyń aýyr­lyq dárejesi salystyrmaly túrde jeńil jáne ortasha pa­sıentterdi jatqyzamyz. Mun­daı aǵyndar boıynsha bólý pa­sıentterdiń marshrýtyn júıeli túrde qurýǵa múmkindik berdi», dedi qalanyń bas dárigeri.

Onyń aıtýynsha, búginde qa­la­da tósektik oryn sany men saýy­ǵyp shyqqan pasıentter sanynyń artqany baıqalady. «Buryn bizde tósektik oryndardyń bos bolmaýy aýrýlar eń kóbeıgen sátte 90%-ǵa jetken bolsa, qazir bul kórsetkish 50%-dan az. Árbir ekinshi tósektik oryn búginde bos, biraq osyǵan qaramastan, biz tósektik oryndy kóbeıtýdi jal­ǵas­ty­­ryp jatyrmyz», dedi K.Na­dy­rov.

Sondaı-aq BMSK deńgeıinde medısınalyq kómek kórsetý tásilderi ózgerdi, tek KVI-men aýyrǵan pasıenttermen ǵana jumys isteıtin arnaıy mobıldi brıgadalar quryldy.

«Búgingi tańda 72 mobıldi brı­gada bar, dárigerler men orta­sha medısınalyq qyzmet­ker­ler sany 400 adamǵa jetti. Buryn 200 adam bolǵan. Mobıl­di brıgadalardyń mindeti – pa­sıentterdi BMSK deńgeıinde barynsha ustaý, ıaǵnı asqynýlardyń damýyna jáne kelesi deńgeıge – stasıonarlyq deńgeıge jet­kiz­beý», dedi ol.

Endi jedel járdem pasıent­terge kelgende, olardyń ázir­len­gen chek-paraǵy boıynsha pasıenttiń aǵymdaǵy jaǵdaıyn obek­tıvti baǵalaýǵa bolady. Aýrýdyń aýyrlyq dáreje­sine baılanysty jedel jár­dem naýqasty qandaı aýrýha­naǵa jatqyzý týraly sheshim qabyl­daıdy. Osy arada aıta ketý kerek, COVID-19-ben kúreske tar­tylǵan medısınalyq uıymdar­dyń sany artyp keledi. Búginde qalada shamamen 6 myń tósektik oryn bar, onda 4 440 medısı­nalyq qyzmetker jumys isteıdi.

«Biz sonymen qatar medısına kadrlaryn jumyldyrý má­selesin qarastyrýdamyz, óıt­keni bizdiń aldymyzda tósektik oryn sanyn kem degende 7 700-ge deıin jet­kizý mindeti tur. Bú­ginde
1 500-ge jýyq dárigerdi qa­byl­da­dyq. Olar daıyndyqtan ótip, ın­feksııalyq qaýipsizdik, pa­sıent­terdi emdeý máseleleri bo­ıyn­sha oqytylyp jatyr. Bul tur­ǵyda mamandardy daıyndaıtyn arnaıy oqý-klınıkalyq or­­ta­lyq quryldy», dedi bas dáriger.

Sonymen qatar qala basshy­lyǵy tósektik oryn sanyn arttyrý úshin barlyq nusqalardy pysyq­taýda. Qaladaǵy «Halyk Arena» muzaıdyn saraıynyń bazasynda gospıtal ashyldy, onda 1 myń tósektik oryn orna­lasqan. Sondaı-aq sol jerge medısınalyq gazdar, ottegi jet­kizip, tolyqqandy reanı­ma­sııalyq bólim ashý jos­parda bar.

«Medısınalyq mekemelerden basqa da nysandardy zerdeledik. Atap aıtqanda, bastapqyda psı­ho­­nev­rologııalyq aýrýlardy emdeý ortalyǵy retinde salynyp jat­qan áleýmettik nysandardyń birine toqtaldyq. Barlyq ın­fra­qu­rylymdy zerttep, ony me­dı­sınalyq nysan retinde qaı­ta beıindeý óte qolaıly eke­nin túsindik. Búginde tıisti ju­mys­tar júrgizilýde. Bul 500 tósektik oryndyq tolyqqandy stasıonar bolady, ony qyrkúıek aıynda paı­dalanýǵa berýdi josparlap otyrmyz. Onda ınfeksııalyq qaýipsizdiktiń barlyq talaptary saqtalady», deıdi.

 

ALMATY

 

Sońǵy jańalyqtar

Uqsas jańalyqtar