Qoǵam • 29 Shilde, 2020

Stasıonarlar júktemesi azaıdy

8 ret kórsetildi

Karantın rejiminiń kúsheıýi aryny qatty qaýipti indettiń taralý qarqynyn ájeptáýir álsiretti. Kún ótken sa­ıyn óńirlerdegi epıdemııalyq ahýal birshama turaqtalyp, saýyqqan naýqastardyń qatary artty, aýrýhanalar da aqyryndap bosaı bastady.

Qatań shekteý sharalary en­gi­zilgen úsh aptanyń ishinde údep bara jatqan indettiń beti qaıta bastaǵany baıqalady. 5 shildeden bastap búginge deıin 35 951 adam jamanat vırýsty jamaǵan. Budan KVI-diń taralý qarqyny 29%-ǵa tómendegeni kórinedi.

Densaýlyq saqtaý mınıstri Alekseı Soı Covid-19 indetimen aýyrý jaǵdaıy táýligine orta eseppen 1600 adam deńgeıinde turaqtanǵanyn málimdedi. Vırýs meńdep, jany qysylǵandardyń da beti beri qaraı bastady. Karantın kezinde saýyǵyp ketkenderdiń sany 63%-ǵa deıin ósti. Sáı­kesin­she densaýlyq saqtaý júıe­sine túsetin aýyrtpalyq birsha­ma jeńildegen. Buǵan stasıonar­lar­daǵy kereýetterdiń 43%-ǵa deıin bosaǵany dálel bola alady.

Karantın sharalaryn jeńil­detýdiń ázirlengen krıte­rıı­lerine sáıkes mınıstrlik ın­fek­sııanyń reprodýktıvtik kór­set­kishin jáne KVI-den emdeý­ge beıimdelgen ınfeksııalyq stasıonarlardyń tósektik oryn qo­rynyń qamtylý paıyzyn qada­ǵalaıdy. Mundaǵy reprodýk­tıvtik kórsetkish degenimiz – bir naýqas oqshaýlanǵanǵa deıin aýrý­dy juqtyratyn adamdar sany. Osylaısha úsh aptadaǵy karantın nátıjesinde ınfeksııanyń reprodýktıvtik kórsetkishi 1,2%-dan 0,99%-ǵa deıin tómendedi já­ne tósektik oryndardyń qamty­lý paıyzy 90%-dan 47%-ǵa kemidi.

Dertine daýa izdep dabyl qaq­qan jurttyń dúrbeleńi de basyla bastady. Qazir jer-jerde indettiń salǵan ylańy birtindep saıabyrsyp keledi. Jalpy, karantın rejimi oń nátıje berip, epıdemııalyq jaǵdaıdyń turaq­tanyp kele jatqanyn óńir basshylary da rastap otyr.

Almaty qalasynyń ákimi Ba­qytjan Saǵyntaevtyń aıtýyn­sha, megapolıste KVI juqty­rý ósimi 2,2%-ǵa deıin tómen­de­di. Qazirgi kezde Almatyda Sovid-19 juqtyrǵan 10 965 adam tirkelgen. Olardyń 6 341-i, ıaǵ­nı 60%-y emdelip shyqqan. Ko­ro­na­vırýstan 73 adam qaıtys bol­ǵan. Pnevmonııa jáne Sovid-19 kú­di­­gimen jedel járdem shaqy­rý sa­­ny 4 esege azaıdy. Stasıo­nar­lar­­ǵa jat­­qyzylatyn adamdar eki ese tó­­men­dedi. Sondaı-aq emha­na­ǵa jú­gi­nýshiler sany da eki ese azaıdy.

Al Nur-Sultan qalasynyń ákimi Altaı Kólginov elordada indet ınfeksııasyn juqtyr­ǵan­dyń 70%-y, dálirek aıtqanda 7260 adam jazylyp shyqqanyn, soń­ǵy bir apta ishinde olardyń sany 1563-ti quraǵanyn atap ótti. Karantın engizilgen sátten bas­tap qalada ınfeksııa juqtyrý boıynsha jaǵdaıdyń turaqtalýy baıqaldy, densaýlyq saqtaý uıymdaryna túsken júkteme edáýir azaıdy. Atap aıtqanda, KVI boıynsha jedel járdemge jú­giný 500-den 89-ǵa deıin, ıaǵnı alty ese kemidi. Sonymen qatar pnev­monııamen aýyryp jatqan aza­mattar sany eki esege azaıdy, stasıonarlardyń júktemesi 99%-dan 38%-ǵa deıin tómendedi, rea­nımasııadaǵy adamdar sany 57%-ǵa deıin azaıǵan. Eger buryn aý­rýhanalarǵa táýligine 500-ge jýyq pasıent túsetin bolsa, qazir olardyń sany 90-ǵa deıin azaıǵan.

Sondaı-aq Shymkent qala­sy­nyń ákimi Murat Áıtenov pen Mań­ǵystaý oblysynyń ákimi Se­rik­baı Trumov óz óńirlerin­degi jaǵdaıdyń qalypqa kele bastaǵanyn aıtyp otyr. Tipti Aq­taý qalasynda aýyrǵan adamdar­dyń azaıýyna baılanysty 100 oryndyq №1 provızorlyq sta­sıo­­nar jumysyn toqtatypty. Bi­raq bul stasıonar jaǵdaı ýshy­ǵa bastasa kez kelgen ýaqytta iske qosylýǵa daıyn tur.

Osylaısha karantın reji­miniń oń serpini shekteý sharalaryn kezeń-kezeńimen jumsartýǵa múmkindik bar ekenin kórsetip otyr. Onyń ústine basynda sel­qostyq tanytqan kópshilik ınfek­sııanyń qaýpin sezinip, saqtyq sharalaryn qatań ustanyp jatqany túsinikti. Sondyqtan in­detke toıtarys beretin qýat­ty dárý tabylmaıynsha, maska taǵý, tazalyq, áleýmettik ara­qa­shyq­tyqty saq­taý mańyzyn joǵaltpaıdy.

 

Sońǵy jańalyqtar

Júrekterdiń daýasy

Pikir • Búgin, 07:26

Sol kúnderdi saǵynamyn...

Rýhanııat • Búgin, 07:22

Aýladaǵy «Ashyq kitaphana»

Aımaqtar • Búgin, 07:19

Volonterler jumysy pysyqtaldy

Saıasat • Búgin, 07:10

Syn aıtý ońaı...

Qoǵam • Búgin, 07:07

Siz nege túshkiresiz?

Rýhanııat • Búgin, 07:00

Indet juqtyrý qarqyny tejeldi

Qoǵam • Búgin, 06:57

Vırýsty joıatyn betperde óndiredi

Qoǵam • Búgin, 06:56

Álemdi ýysynan shyǵarar emes

Álem • Búgin, 06:54

Onlaın keńes ótkizdi

Saıasat • Búgin, 06:50

Shyǵystyń kıeli jerleri

Aımaqtar • Búgin, 06:48

Muzdyqtar «muńy»

Álem • Búgin, 06:41

Astyq tasymaldaýǵa daıyn

Ekonomıka • Búgin, 06:39

Shámshi ánderi – el jadynda

Pikir • Búgin, 06:39

Eńbekpen er atanǵandar

Qoǵam • Búgin, 06:34

Qoı sharýashylyǵyn qunttasaq...

Ekonomıka • Búgin, 06:32

Vals koroli

Rýhanııat • Búgin, 06:30

Apple-di tańdandyrǵan Asqar

Aımaqtar • Búgin, 06:30

Áýenderi ómirsheńdigimen qundy

Rýhanııat • Búgin, 06:25

Bárimizge bir samǵaý qajet edi...

Ádebıet • Búgin, 06:24

Juldyzdaı aǵyp ótken jasyn-ǵumyr

Oqıǵa • Búgin, 06:20

Festıval eki kúnge jalǵasty

Abaı • Búgin, 06:18

Qaı elderge shyǵýǵa ruqsat berilgen?

Týrızm • Búgin, 06:13

Saılaý qorytyndylary jarııalandy

Saıasat • Búgin, 06:13

Elektrondy qyzmet úlesi ósti

Tehnologııa • Keshe

Uqsas jańalyqtar