Aımaqtar • 29 Shilde, 2020

Jalańaıaq júretin gúlzar ashyldy

34 ret kórsetildi

Batys Qazaqstan oblystyq Qazaqstan halqy Assambleıasy Koreı mádenı-aǵartýshylyq birlestigi belsendileri Oral qalasynda «Bes urpaq» atty shaǵyn saıabaq ashyp, jala­ńaıaq júrýge arnalǵan «Densaýlyq joly» saýyq­tyrý jolaǵyn ashty.

Sýretti túsirgen Rafhat HALELOV

О́ńirdegi ulttyq-mádenı ortalyqtar byltyrdan beri jańa úrdis bastady. О́tken jyly ázerbaıjan ortalyǵy Oral qalasyndaǵy Ázerbaıjan kóshesine 50 túp shyrsha egip, óz qamqor­lyǵyna alǵan bolatyn. О́ńirdegi Assambleıa jetekshisi Ǵaısa Qapaqovtyń ıdeıasynan týǵan bul bastamany bıyl koreı ulttyq mádenı birlestigi jalǵady.

– Qazaqstanda koreı ultynyń júz myńnan astam ókili turady. 1937 jyly stalındik repressııa kezinde Qıyr Shyǵystaǵy atamekeninen kúshtep kóshirilgen kóreıler qazaq jerine alǵash taban tıgizse, búginde bul topyraqta sol bosqyndardyń besinshi urpaǵy dúnıege kelip jatyr. Búgingi gúlzar baqtyń ataýyn «Bes urpaq» dep ataýymyzdyń sebebi osy. Munda qoıylǵan oryndyqtardyń ózi osy bes urpaqtyń ózine tán dáýirdi kózge elestetedi. Sonymen qatar ózim dáriger bolǵandyqtan, arnaıy usynys aıtyp, jalańaıaq júrýge arnalǵan «Densaýlyq joly» soqpaǵyn jasadyq. Tabandaǵy núkteler arqyly adamnyń ishki aǵzasyna, mańyzdy múshelerine áser etýge bolady. Búgingideı álemdi jaılaǵan pandemııa kezinde densaýlyq – zor baılyq ekenine kózimiz jetti ǵoı. Aqjaıyq óńirindegi koreı dıasporasynyń qoldaýymen ashylyp otyrǵan búgingi gúlzar oraldyqtar mándi de paıdaly demalatyn súıikti múıiske aınalady dep senemin, – deıdi koreı qoǵamdyq birlestiginiń tóraǵasy Vıtalıı An.

Káris halqynyń dúnıetanymynda qazaqpen sáıkesetin salt-dástúr kóp eken. Sonyń biri – kıeli daraqty táý etip, Táńiriden tilek tilep, aǵash butaǵyna shúberek baılaý. «Bes urpaq» saıabaǵynda dál osyndaı sımvolıkalyq «báıterek» ornatylǵan. Sondaı-aq, jańa úılengen jas jubaılar neke berik bolýy úshin osy gúlzardaǵy Júrek beınesine kelip, qulyp taǵyp, kiltin «Mahabbat qudyǵyna» tastaıdy.

 

Batys Qazaqstan oblysy

 

Sońǵy jańalyqtar

Sora ekken turǵyn tergelýde

Aımaqtar • Keshe

Uqsas jańalyqtar