Hokkeı • 29 Shilde, 2020

Legıoner boıynsha toǵyzynshy orynda

4 ret kórsetildi

Reseıdiń «Chempıonat» basylymy Qur­lyqtyq hokkeı lıgasynda (QHL) óner kórsetetin komandalarda qansha legıoner bar ekenin anyqtap, olardyń reıtıngin jasap shyqty.

QHL-diń Shyǵys konferensııasynda baq synaıtyn elordanyń «Barys» komandasy reıtınginde toǵyzynshy orynǵa jaıǵasqan. Qazirgi jaǵdaı boıynsha «Barys» quramynda jeti legıoner bar. Atap aıtar bolsaq, qaqpa­shy Ortıo, qorǵaýshylar Bleker, Svedberg, jáne sha­býylshylar Vıdell, Volk, Lılıa, Frettın.

Sondaı-aq «Chempıonat» basylymy elor­da komandasynan maýsymaralyq úzilis­te birqatar legıonerlerdiń klýbtan ketkenin jáne «Barys» únemi eń úzdik degen legıo­nerlerdi tańdaıtynyn atap ótken. «2019 – 2020 jylǵy maýsymnan keıin komandadan Pas­kýale, Ohtaama, Naıt sekildi hokkeıshiler ketti. «Barysty» eki jyl joǵary oryndarǵa súıregen bas bapkeri Skabelkany da erekshe atap ótýge bolady. Biraq «Barys» aldaǵy maý­symda shaý tartqan jáne oıyn tájirıbesi joq legıonerlermen uzaqqa bara ala ma?», delingen habarlamada.

Reseılik basylym shaý tartqan jáne oıyn tájirıbesi joq oıynshylar dep shvesııalyq shabýylshy Lınýs Vıdell men ótken maýsymda AQSh hokkeı lıgasynda kózge túspegen qaqpashy Iаkob Lılıany aıtyp otyr.

 

Sońǵy jańalyqtar

Tashkent tragedııasy

Sport • Keshe

Uqsas jańalyqtar