Qazaqstan • 29 Shilde, 2020

COVID-19 juqtyrǵan 113 medısına qyzmetkeri birjolǵy tólem aldy

43 ret kórsetildi

28 shilde saǵat 18.00-degi jaǵdaı boıynsha COVID-19-ben kúreske tartylǵan 113 medısına qyzmetkerine Memlekettik áleýmettik saqtandyrý qorynan koronavırýstyq ınfeksııany nemese vırýstyq pnevmonııany juqtyrýyna baılanysty 2 mln teńge mólsherinde birjolǵy áleýmettik tólem tólendi. Bul týraly Eńbek jáne halyqty áleýmettik qorǵaý mınıstrligi habarlady, - dep jazady Egemen.kz

Joǵaryda kórsetilgen tólemaqy alýǵa quqyǵy bar medısına qyzmetkerlerin oblystardyń jáne respýblıkalyq mańyzy bar qalalardyń densaýlyq saqtaý basqarmalaryndaǵy arnaıy komıssııalar aýrý juqtyrýyn tekserý nátıjeleri boıynsha anyqtaıdy. Barlyq ótinimderdi Qazaqstan Respýblıkasy Densaýlyq saqtaý mınıstrligi jınaqtaıdy.

DSM-nen MÁSQ-qa tólemge barlyǵy 123 ótinim kelip tústi. О́ńirler boıynsha eń kóp ótinimder Almaty qalasynan (46), Almaty (38) jáne Soltústik Qazaqstan oblystarynan (10) kelip tústi.

Qalǵan 10 ótinim boıynsha derekterdi DSM qosymsha tekserýde. Naqtylanǵan málimetterdi usynǵannan keıin bul medısına qyzmetkerlerine dereý tólem taǵaıyndalady.

Esterińizge sala keteıik, QR Eńbek jáne halyqty áleýmettik qorǵaý mınıstri men QR Densaýlyq saqtaý mınıstriniń 9 sáýirdegi "Densaýlyq saqtaý uıymdarynyń COVID-19 koronavırýstyq ınfeksııasyna qarsy kúres jónindegi epıdemııaǵa qarsy is-sharalarǵa tartylǵan qyzmetkerleri atalǵan ınfeksııany juqtyrǵan nemese odan qaıtys bolǵan jaǵdaıda olarǵa birjolǵy áleýmettik tólemdi júzege asyrý qaǵıdalaryn bekitý týraly" birlesken buıryǵyna aǵymdaǵy jyldyń 22 shildesinde engizilgen ózgeristerge  sáıkes joǵaryda kórsetilgen tólem:

– koronavırýstyq ınfeksııa nemese vırýstyq pnevmonııa juqtyrǵan medısına qyzmetkerlerine – 2 mln. teńge;

– COVID-19 koronavırýstyq ınfeksııasyn juqtyrǵannan,  vırýstyq pnevmonııamen aýyryp qaıtys bolǵan jaǵdaıda olardyń otbasyna – 10 mln. teńge kóleminde tólenedi.

Koronavırýstyq ınfeksııadan, vırýstyq pnevmonııadan medısına qyzmetkeriniń qaıtys bolý jaǵdaılary boıynsha MÁSQ-qa ótinimder túsken joq.

Sońǵy jańalyqtar

Uqsas jańalyqtar