Oqıǵa • 29 Shilde, 2020

Atbasar aýdanynda órt kezinde úsh bala qaza tapty

126 ret kórsetildi

Búgin tańǵy saǵat 05:19-da Aqmola oblysy Atbasar aýdanynyń Hrıashevka aýylynda 100 sharshy metr jeke turǵyn úıde órt shyqty. Bul týraly IIM TJK baspasóz qyzmetine silteme jasaı otyryp Egemen.kz habarlaıdy.

Úıde kópbalaly otbasy, 7 adam turǵan, olar 1979 jáne 1981 jyldary týǵan ata – anasy, 5 balasy – 2004, 2005, 2007, 2008 jyldary týǵan uldar men 2012 jyly týǵan qyz bala.  

Atbasar qalasynyń № 4 mamandandyrylǵan órt sóndirý bólimine deıingi araqashyqtyq 25 shaqyrymdy quraıdy. О́rt sóndirý bólimsheleri kelgenge deıin ata-anasy men 2004 jáne 2012 jyly týǵan eki bala synǵan tereze arqyly ózdiginen shyqty. О́rt saldarynan úıdiń tóbe jabyny qulady.

Saǵat 06:40-ta órttiń beti qaıtyp, saǵat 08:25-te sóndirildi. Qazirgi tańda úıindilerdi tazalaý jumystary júrgizilip jatyr. Oqıǵa ornynda úsh balanyń máıiti tabyldy. О́rtti sóndirýge TJD-nen 12 qyzmetker men 2 tehnıka, erikti órt sóndirý qurylymdary men tartylǵan uıymdardan 3 adam jáne 3 tehnıka jumyldyryldy. Oqıǵa ornynda aýdandyq polısııa bóliminiń kezekshi jedel-tergeý toby jumys isteıdi. О́rttiń shyǵý sebebi anyqtalýda. Sonymen qatar Kókshetaý qalasynan О́rt synaq zerthanasy jiberildi.

Sońǵy jańalyqtar

Tashkent tragedııasy

Sport • Keshe

Uqsas jańalyqtar