Jergilikti turǵyndar úshin munda memlekettik qyzmetterdi alýǵa kómektesetin operasııalyq zal men daıyn qujattardy berý sektory jumys isteıdi.
"Azamattarǵa arnalǵan úkimet" memlekettik korporasııasy Pavlodar oblystyq fılıalynyń dırektory Farhat Álimovtyń aıtýynsha, 130 myńnan astam turǵyny bar shahar úshin taǵy bir bólim ashý qajettiligi burynnan týyndaǵan. Jarty jyl ishinde ekibastuzdyqtarǵa 63 myń memlekettik qyzmet kórsetilgen. 
"Ekibastuz úshin bir HQO jetkiliksiz boldy. Qala turǵyndarynyń sany artyp keledi, sondaı-aq bizdiń qyzmetkerlerimiz kólikti tirkeý jáne júrgizýshi kýáligin aýystyrý sııaqty avtoqyzmetterdi de qosymsha kórsetip keledi. Bólimniń ashylýyna jergilikti kásipker qolǵabys etip, osy ǵımaratty bizge óteýsiz paıdalanýǵa berdi. Osy rette, oǵan úlken rızashylyǵymyzdy bildiremiz", - dedi Farhat Álimov.
Jańa bólimde qujattandyrý (jeke kýálik jáne pasport berý) jáne transportqa qatysy joq barlyq memlekettik qyzmetterdi alýǵa bolady. Bólimniń aýlasynda kólikke arnalǵan avtoturaq qarastyrylǵan.
