Aımaqtar • 29 Shilde, 2020

Almatyda 1300-deı adam qurbandyqqa shalynǵan maldyń etin alýǵa ótinish bildirgen

31 ret kórsetildi

Almatyda 1300-deı adam "Qurban-2020" onlaın platformasy arqyly qurbandyqqa shalynǵan maldyń etin alýǵa ótinish bildirgen. Bul týraly Almaty qalasynyń óńirlik kommýnıkasııalar qyzmetiniń onlaın brıfıngi barysynda Almaty qalasynyń Bostandyq aýdanynyń "Baıken" meshitiniń bas ımamy Danııar Jumabaev habarlady, - dep jazady Egeme.kz

Qalanyń bas memlekettik sanıtar dárigeriniń qaýlysyna sáıkes, koronavırýs ınfeksııasynyń taralýyn boldyrmaý maqsatynda Qurban Aıt dástúrli merekesine qurbandyq shalý onlaın formatta ótedi. Qurban shalýǵa jáne soıylǵan qurbandyq malynyń etin alýǵa ótinish berý úshin "Qurban-2020" onlaın platformasy qurylǵan.

"Búgingi tańda 1305 adam qurbandyqqa shalynǵan etti onlaın platforma arqyly alýǵa ótinish bildirgen", - dedi Danııar Jumabaev. 

Sonymen birge, ol qala turǵyndarynan qurbandyqqa 49 qoı, 18 eshki jáne 8 basqa maldy shalýǵa ótinish túskenin aıtyp, tolyqtyrdy. Barlyq ettiń qaıyrymdylyq aıasynda muqtaj jandarǵa taratylatynyn atap ótken jón.

Qurbandyq shalýǵa jáne muqtaj, az qamtylǵan qala turǵyndarynyń et alýǵa qaldyrǵan ótinishterin alý saıtta 24-30 shilde aralyǵynda júrgiziledi.

 

ALMATY

Sońǵy jańalyqtar

Tashkent tragedııasy

Sport • Keshe

Uqsas jańalyqtar