"Mobıldi toptar shaqyrtýlarǵa baryp, koronavırýs ınfeksııasynyń belgilerin baıqasa, bizdiń feldsherler úıden PTR-zertteý úshin qan alady. Sondaı-aq COVID-19-ben aýyrǵan otbasy múshelerinen taldaý alynady. Osylaısha olardyń emhanaǵa kelýin azaıtyp, qaýipsizdigin saqtaı alamyz", – deıdi bas medbıke Kúlzı Ábenova.
Dárigerler úıde kórsetetin medısınalyq kómekten basqa dıspanserlik esepte turǵan naýqastarǵa dári-dármek ákeledi. Sondaı-aq DamuMed qosymshasy arqyly onlaın-keńester ótkizedi. Dárigerlerdiń aıtýynsha, karantın engizilgennen keıin jaǵdaı turaqtalǵan.
"Búgingi tańda bizde alty mobıldi top jumys isteıdi. Karantın engizilgennen keıin shaqyrtýlar sany 30% tómendedi", – deıdi maman.
Esterińizge sala keteıik, maýsym aıynda Densaýlyq saqtaý mınıstrliginiń qaýlysymen koronavırýs pen pnevmonııa juqtyrǵan naýqastarǵa kómek kórsetý úshin mobıldi toptar quryldy. Búginde elordada 200-ge jýyq mobıldi top jumys isteıdi. Bir mobıldi top qyzmeti bes myń turǵynǵa eseptelgen.
Shilde aıynyń basynan bastap Nur-Sultan jedel járdem stansııasyna qońyraýlar sany úsh ese azaıdy – kúnine 3000-nan 1100-ge deıin. Onyń ishinde koronavırýs ınfeksııasy boıynsha – táýligine 500-den 89-ǵa deıin. Nur-Sultanda koronavırýs ınfeksııasynan emdelip shyqqandar sany 70% – 10 320 naýqastyń 7 260-y saýyǵyp shyqqan. Tósek-oryn qoryna júkteme 99%-dan 38%-ǵa deıin tómendedi. 5 shildeden bastap júrgizilgen karantın sharalary men ambýlatorııalyq emdeýdi kúsheıtý nátıjesinde pnevmonııamen aýrýhanaǵa túskender sany eki ese – 1348-den 633 adamǵa deıin azaıdy.
