Aımaqtar • 29 Shilde, 2020

Shymkentte "Mektepke jol" aksııasy aıasynda 42 myńnan astam balaǵa kómek beriledi

273 ret kórsetildi

Shymkent qalasynda áleýmettik kómekti qajet etetin 42 368 balaǵa «Mektepke jol» qaıyrymdylyq aksııasy aıasynda 30 myń teńge kóleminde bir rettik kómek beriledi. Bul týraly qalalyq Bilim basqarmasynyń basshysy Janat Tájıeva habarlady, - dep jazady Egemen.kz

Bul kómekti ataýly áleýmettik kómek alatyn otbasylardyń balalary jáne aılyq kún kóris kórsetkishi tómen otbasylar alady. Ol úshin ata-analar qujattaryn bilim uıymdaryna usynýy kerek. Al jetim jáne jartylaı, kóp balaly otbasy balalaryna mektepterdegi qamqorshylyqtyń sheshimine sáıkes bir rettik kómek belgilenedi.

Basqarma basshysy sonymen qatar qajettilikti qamtý maqsatynda 24 955 otbasyǵa kompıýter beriletinin atap ótti.

"Aǵymdaǵy jyldyń qyrkúıek aıyna deıin  jergilikti bıýdjet esebinen 4 800 kompıýter satyp alý josparlanýda. Nátıjesinde, jalpy kompıýter sany  25 myńdy qurap, az qamtamasyz etilgen otbasy balalaryn esepke almaǵanda qamtýdy qajet etetin 24 955 otbasy qamtylatyn bolady", - dedi J.Tájıeva.

Búginde qalada áleýmettik kómekti qajet etetin otbasy balalary – 35 798. Onyń ishinde, az qamtylǵan otbasy balalary – 28 445, jetim balalar – 685, erekshe bilim berýdi qajet etetin bala sany– 6668. 
Sońǵy jańalyqtar

Uqsas jańalyqtar