29 Shilde, 2020

Ombýdsmen Qazaqstandaǵy adam saýdasymen kúres jónindegi sharalardy kúsheıtýge shaqyrdy

19 ret kórsetildi

Ombýdsmen Qazaqstandaǵy adam saýdasymen kúres jónindegi sharalardy kúsheıtýge shaqyrdyQazaqstandaǵy adam quqyqtary jónindegi ýákil Elvıra Azımova Qazaqstandaǵy adam saýdasyna qarsy kúres sharalaryna qatysty ahýalǵa alańdaýshylyq bildirip, QR Premer-mınıstri Asqar Mamınge resmı hat joldady.

Ombýdsmenniń oıynsha, qoldanylǵan sharalarǵa qaramastan, bizdiń memleketimizdiń «baqylaý tizimindegi» elderdiń qataryna enýi aldyńǵy eseptik kezeńmen salystyrǵanda el Úkimetiniń adam saýdasyna qarsy kúres sharalarynyń jandandyrylǵandyǵy jaıly dálelderdi usynbaǵandyǵyn bildiredi. Sonymen qatar bul jaıt elimizde osyndaı qylmystardan zardap shegýshiler sanynyń óskenin aıǵaqtaıdy.  

Atalyp ótkendeı, resmı statıstıkaǵa boıynsha Qazaqstandaǵy anyqtalǵan adam saýdasy men qylmystyq jaýapkershilikke tartý oqıǵalary Qyrǵyzstan men О́zbekstandy qosa alǵanda olar úshin Qazaqstan baratyn el bolyp tabylatyn kórshi elderge qaraǵanda edáýir tómen. Bul osyndaı qylmystardy anyqtaý, tergeý jáne jazalaý boıynsha jumystardyń tıisti dárejede emestigin kórsetýi  múmkin. 

Ombýdsmen ózge de problemalar ishinde adam saýdasynan zardap shekken sheteldikter men azamattyǵy joq tulǵalardyń arnaıy áleýmettik qyzmetterge, sonyń ishinde daǵdarys ortalyqtaryna ýaqytsha ornalasýǵa múmkindikteriniń  joqtyǵyna nazar aýdarady. 

Esterińizge salsaq, buǵan deıin AQSh Memlekettik departamentiniń 2019 jylǵa arnalǵan adam saýdasy týraly jyl saıynǵy baıandamasy jarııalagǵan bolatyn. Onyń aıasynda seriktes elderdegi adam saýdasymen kúres jónindegi jaǵdaı usynylǵan.

О́zge elderdi baǵalaý adam saýdasyn joıý úshin mınımaldy standarttarǵa sáıkestigi negizinde (2000 jylǵy «Trafficking Victims Protection Act» AQSh zańy) tórt deńgeıdiń («1», «2», «2 watch list» (baqylaý tizimi) jáne «3»)  birine jatqyzý jolymen júrgiziledi. 

Qazaqstan alǵash ret «2 watch list» (baqylaý tizimi) deńgeıine jatqyzylyp otyr. Sondaı-aq, Qazaqstan 2012 jyldan beri únemi «2» deńgeıinde bolyp keldi.

Baıandamada sondaı-aq eldegi jaǵdaıdy jaqsartý úshin  11 usynym jınaqtalǵan.  

Qazaqstan úshin mańyzdy sanalatyn kelesi usynystar berilgen:

Adam saýdasynan japa shekkenderdi anyqtaý boıynsha sharalardy meılinshe kúsheıtý qajet- ásirese májbúrli eńbekke jegýden zardap shekken sheteldikterge - halyqtyń álsiz toptary arasynda  jáne japa shekkenderge kómek kórsetetindeı jerge qaıta baǵyttaý.

Adam saýdasynan zardap shekken sheteldikter úshin qoljetimdi kómek kólemin meılinshe arttyrý, ondaı japa shegýshilerge olardyń tergeý jáne qylmystyq proseske qatysýyna qaramastan  anyqtaýdy jáne kómek kórsetýdi qamtamasyz etý.

Adam saýdasymen baılanysty qylmystardy tergeýdi qamtamasyz etý jáne kinálilerdi jaýapqa tartý. 

Elvıra Azımova baqylaý tiziminde nemese 3-shi deńgeıdegi elder tiziminde bolý AQSh tarapynan saýdaǵa qatysy joq gýmanıtarlyq emes sheteldik kómek berýden, sondaı-aq  bilim berýdi qarjylandyrý jáne mádenı almasý sharalarynan bas tartý syndy belgili-bir sanksııalardy týdyrýy múmkin ekendigine nazar aýdardy. 

Taǵy bár táýekel – halyqaralyq qarjy ınstıtýttary tarapynan ınvestısııalyq jáne ekonomıkalyq shekteýlerdiń bolý yqtımaldyǵy, atap aıtqanda – Qazaqstanda júzege asyrylyp jatqan jobalar kóleminiń qysqarýy. 

«Qazaqstan Respblıkasynyń Ishki ister mınıstrligine Eńbek jáne halyqty áleýmettik qorǵaý, Densaýlyq saqtaý, Syrtqy ister mınıstrlikterimen jáne basqa da ýákiletti organdarmenbirige otyryp, sonymen qatar Qazaqstan Respýblıkasy Úkimeti janyndaǵy adamdardy zańsyz ákelý, áketý jáne saýdalaýmeg kúresý máseleleri boıynsha vedomstvoaralyq komıssııa qyzmeti aıasynda berilgen usynystardy jyl sońyna deıin iske asyrý boıynsha naqty sharalardyń qabyldanýyn jedeldetýdi tapsyrýyńyzdy suraımyn», delingen ombýdsmenniń QR Premer-mınıstrine joldaǵan hatynda. 

Buǵan qosa, qazirgi ýaqytta Qazaqstandaǵy KHU (Kóshi-qon jónindegi halyqaralyq uıym) AQSh Elshiliginiń qoldaýymen Qazaqstan úshin tájirıbelik jáne zańnamalyq sıpattaǵy usynystardy ázirleýge baǵyttalǵan jobany iske qospaqshy. Ol jumystyń nátıjesi keıin jarııalanady. 

Sońǵy jańalyqtar

Altyn astyq qambaǵa quıyla bastady

Qazaqstan • Búgin, 14:10

Almaty qalasynda jer silkindi

Ekologııa • Keshe

Adasqan balalar aman-esen tabyldy

Aımaqtar • 07 Tamyz, 2020

Prezıdent Ahmetjan Esimovti qabyldady

Prezıdent • 07 Tamyz, 2020

Uqsas jańalyqtar