Mundaı qorytyndyǵa 2020 jyldyń II toqsanyndaǵy "Qazaqstandaǵy bilikti eńbekke degen usynys pen suranysty taldaý" zertteýiniń nátıjeleri boıynsha WDC (QR Eńbekmıi janyndaǵy Eńbek resýrstaryn damytý ortalyǵy) taldaýshylary keldi.
Joǵaryda kórsetilgen kezeńde bilikti jumyskerler úshin EEB-da barlyǵy 163 myń bos jumys orny ornalastyryldy, al bilikti mamandar túıindemeleriniń sany 106 myńdy qurady.
A.j. II toqsanynda bilikti jumysshylarǵa degen qajettilik ásirese Almaty qalasynda (22,5 myń), Qaraǵandy oblysynda (17,4 myń), Qostanaı oblysynda (16,4 myń) jáne Nur-Sultan qalasynda (16 myń) baıqaldy.
"Sáýir aıynda aı saıynǵy dınamıkada jyl basynan beri bos jumys oryndarynyń eń az sany, ıaǵnı 25 myńnan sál artyq jumys orny ornalastyrylǵan. Biraq mamyr aıynda karantın rejıminiń birtindep álsireýi jáne jumyspen qamtý baǵdarlamasyn júzege asyrý aıasynda bos jumys oryndarynyń sany 2,8 esege ósti", – dedi WDC boljaý departamentiniń dırektory Dmıtrıı Shýmekov.
Sarapshylardyń aıtýynsha, bilikti eńbekke qatysty ornalastyrylǵan bos jumys oryndarynyń jartysynan kóbi eki kásibı topqa: kásipqoılar men ónerkásip, qurylys, kólik jáne basqa da uqsas salalardyń jumysshylaryna baǵyttalǵan.
Bul rette óńirler bólinisinde II toqsanda Aqmola oblysynda ǵana jol jóndeý jumysshylary suranysqa ıe kásipterdiń kóshin bastaǵan joq, onda aýyl sharýashylyǵynyń ınjener-mehanızatorlary, tıeý-túsirý jumystaryndaǵy keshendi brıgadanyń mehanızatorlary, traktorshylar tapshy.
"Meniń oıymsha, jol jondeý jumysshylaryna degen suranystyń artýy "Eńbek" memlekettik baǵdarlamasy men Jumyspen qamtý jol kartasy aıasynda jóndeý jumystarynyń maýsymdyq jandandyrylýyna jáne jańa bos jumys oryndaryn qurýǵa baılanysty", – dep túsindirdi Dmıtrıı Shýmekov.
Sonymen qatar, óńirge baılanysty basqa da suranysqa ıe mamandyqtardy da atap ótýge bolady. Máselen, Batys Qazaqstan oblysynda 1,5 myńǵa jýyq mektep kómekshisi, Aqtóbe oblysynda – 380 orta mektep muǵalimi, Jambyl oblysynda – 305 qurylysshy-tehnık qajet. Atyraý oblysynda statıstıkalyq baqylaý júrgizý boıynsha ıntervıýerler eń kóp suranysqa ıe bolyp tabylady, olardyń jetispeýshiligi shamamen 250 birlikti qurady, al Túrkistan oblysynda keńselik tehnıkaǵa qyzmet kórsetý boıynsha 160 jumysshyǵa tapshylyq baıqalady.
Esterińizge sala keteıik, QR Eńbek jáne halyqty áleýmettik qorǵaý mınıstrligi eńbekke qabiletti halyqty jumyspen qamtýǵa járdemdesý boıynsha baǵdarlamalardy júzege asyrýda. Nátıjeli jumyspen qamtýdy jáne jappaı kásipkerlikti damytýdyń 2017-2021 jyldarǵa arnalǵan "Eńbek" memlekettik baǵdarlamasy aıasynda 2020 jyldyń I jartyjyldyǵynda 217,6 myń adam jumysqa ornalastyryldy, onyń 102,6 myńy – turaqty jumysqa ornalastyryldy. Al 2020-2021 jyldarǵa arnalǵan jumyspen qamtý jol kartasy aıasynda 148 myńnan astam jumys orny ashyldy.
