Qazaqstan • 29 Shilde, 2020

Elimizdiń Qarýly Kúshteri dezınfeksııalaý jumystaryn jalǵastyrýda

25 ret kórsetildi

Elimizdiń Qarýly Kúshteriniń qyzmetine jatpaıtynyna qaramastan, jergilikti atqarýshy organdar men halyqqa dezınfeksııalaý boıynsha jumystarǵa kómek kórsetti jáne ol kómekti áli de jalǵastyryp keledi. Bul týraly Qorǵanys mınıstrliginiń baspasóz qyzmetine silteme jasaı otyryp Egemen.kz habarlaıdy.

TJ rejimi kezinde áskerı qyzmetshiler Nur-Cultan men Almaty qalalaryn qosa, epıdemııalyq jaǵdaıdyń nasharlaýyna jáne KVI órshýine baılanysty dezınfeksııa jumystaryn júrgizetin qalalardyń sany 29-ǵa deıin ósti. Dezınfeksııalaý jumystaryna qatysqan áskerı qyzmetshilerdiń eń kóp sany 3000-nan astam boldy, al qazir bul mindetti 300-den astam áskerıler oryndap jatyr.

Búgingi tańda 10 eldi mekende dezınfeksııalaý jumystary jalǵasýda, men atap ótkendeı, tótenshe jaǵdaı kezinde bul shara 29 qalada (Nur-Sultan, Almaty, Taldyqorǵan, Qapshaǵaı, Saryózek, Jetigen, Taraz, Shymkent, Gvardeısk, Arys, Shıeli, Jańaqorǵan, Túrkistan, Qyzylorda, Aqtaý, Atyraý, Oral, Aqtóbe, Qostanaı, Kókshetaý, Petropavlovsk, Pavlodar, Qaraǵandy, Balqash, Semeı, О́skemen, Aıagóz, Úshtóbe, Úsharal) júrgizildi. 

Áskerler jalpy aýmaǵy 60 mln sharshy metr nemese 6 myń gektardaı jerde 14 myńnan astam nysan men 4 myń shaqyrymnan asatyn jolǵa dezınfeksııa jumystaryn júrgizdi.

Qazirgi ýaqytta sanıtarlyq zararsyzdandyrý bólimshelerin dezınfeksııalaý quraldarymen ákimdikter qamtamasyz etedi. Olardyń ataýlary kóp, biraq quraldardyń quramynda hlor jáne basqa da totyqtyrǵysh bar. Qoldanylatyn qospalar aýrý týdyratyn bakterııalardy, vırýstardy jáne tipti zeń sańyraýqulaqtardy kepildi joıady. Medısına jáne sharýashylyq qyzmette olardyń kómegimen qaýipti ınfeksııalardy joıýǵa paıdalanylady (týberkýlez, gepatıt vırýstary, polıomıelıt jáne basqalar). Keıbir qalalarda bólimshelerge qoldanýǵa daıyndalǵan suıyqtyqtar berilse, basqa qalalarda zalalsyzdandyrý quraldary jumys júrgiziletin orynda nusqamany qatań saqtaı otyryp, daıyndalady, qural daıyndalǵan saıyn  komıssııa aktimen ótkizedi.

Eger taza aýada nysandardy zalalsyzdandyrý úshin bir quraldar paıdalansa, ǵımarattardyń ishinde basqa quraldar qoldanylady.

Qoldanylatyn quraldar azamattardyń densaýlyǵy men qorshaǵan ortaǵa zııanyn tıgizbeıdi.

Daıyn dezınfeksııalyq eritindi óńdeletin nysandardyń bet jaǵyna qoldanylǵan kezde birneshe saǵat boıy óziniń qasıetterin saqtaıdy, kún sáýlesi men aýanyń áserinen erekshilikterin joǵaltady. Qorshaǵan ortaǵa jáne ekologııaǵa zaqym keltirmeý úshin dezınfektorlarǵa eritindini ósimdikter men topyraqqa qoldanýǵa tyıym salynǵan.

Dezınfeksııa jumystary ákimdiktermen tyǵyz baılanys arqyly júrgizilýde. Arnaıy óńdeý toptary jergilikti atqarýshy organdardyń tapsyrysy boıynsha ǵana obektilerde dezınfeksııalaý jumystaryn  júrgizedi. Sonymen qatar, áskerı bólimderdiń aýmaǵynda dezınfeksııalaý jumystary turaqty túrde júrgiziledi.

Dezınfeksııa kezinde adamnyń qoly tıetin nysandar men zattardy óńdeý sapasyna erekshe nazar aýdarylady, bul esik tutqalary, baspaldaq taıanyshtary, oryndyqtar jáne t.b., sonymen qatar dezınfeksııanyń tolyqtaı júrgizilýine, ıaǵnı eritindiniń nysan betine birkelki jáne alshaqtyqsyz qoldanylýyna.

Áleýmettik jelilerde áıel adamnyń kóshelerdi dezınfeksııalap jatqan áskerı qyzmetshilerge suraq qoıatyn vıdeo paıda boldy. Beınede áıeldiń dezınfeksııa jasap jatqan áskerı qyzmetshilerge jaqyndap, dezınfeksııa úshin qoldanylyp jatqan – bul qarapaıym sý dep málimdeıdi. Shyndyǵynda, bul ákimdiktiń bólimsheleri kóshelerdi dezınfeksııalaý úshin bergen arnaıy eritindisi. Sondyqtan osy beınede kórsetilgen málimet shyndyqqa kelmeıdi.

Sońǵy jańalyqtar

Sora ekken turǵyn tergelýde

Aımaqtar • Búgin, 16:33

Alaqandaı Artem: 980 gramm ómir

Qoǵam • Búgin, 16:00

Arzan ton alamyn dep aldanyp qaldy

Aımaqtar • Búgin, 14:30

Bir aıda 20 mln teńge aıyppul

Aımaqtar • Búgin, 09:12

56 shaqyrymdy júzip ótti

Sport • Búgin, 08:33

Bıznesti qoldaý mańyzdy

Saıasat • Búgin, 08:24

Jastarǵa jan-jaqty kómek bar

Qoǵam • Búgin, 08:20

Saǵat saıyn hal surap turdy

Qoǵam • Búgin, 08:13

Úzik oılar, úmit oılar

Pikir • Búgin, 08:10

Kásipkerler kómegi

Aımaqtar • Búgin, 08:09

Jeńildik jasaldy

Saıasat • Búgin, 08:06

Qaıyry mol qaıyrymdylyq sharalary

Rýhanııat • Búgin, 08:03

Uqsas jańalyqtar