Zerdeleý nátıjesinde kóptegen dárihanalarda halyq kóp qoldanatyn antıbıotıkter, vırýsqa qarsy jáne ystyqty túsiretin dári-dármekter joq bolyp shyqty. Alaıda, atalǵan dárilerdiń ornyn almastyrýshy preparattar bar eken. Aıta ketý kerek, qaladaǵy barlyq dárihanalarda betperde jetkilikti, burynǵydaı uzyn-sonar kezek joq.
Sonymen qatar, Taraz qalasy ákiminiń orynbasary Almas Sadýbaev karantındik rejımniń saqtalýyn qadaǵalaý maqsatynda jedel shtab, qalalyq taýarlar men kórsetiletin qyzmetterdiń sapasy men qaýipsizdigin baqylaý basqarmasynyń jetekshi mamandary jáne ýchaskelik polısııa qyzmetkerlerimen birigip túngi reıd jumystaryn júrgizdi.
Nátıjesinde, Baýyrjan Momyshuly atyndaǵy "Jeńis" saıabaǵy men Qaırat Rysqulbekov atyndaǵy saıabaqta karantındik talaptardy saqtamaı, medısınalyq maskasyz júrgen qala turǵyndary anyqtalǵan. Sondaı-aq, belgilengen ýaqyttan tys jumys istep turǵan dúńgirshekterge eskertý jasaldy. Taǵy da karantın talaptaryn saqtamaǵan "Villa" kafesi, syrahanalar men dúkenderge qatysty hattamalar toltyryldy.
Jambyl oblysy
