Parlament • 29 Shilde, 2020

Májilis depýtattary shalǵaıdaǵy eldi mekenderde aýrýhanalardyń jaı-kúıin baqylady

25 ret kórsetildi

Májilis depýtattary elimizdiń shalǵaı aýdandary men aýyldarynyń turǵyndarymen koronavırýstyq ınfeksııanyń taralýyna baılanysty máselelerdiń sheshilýine yqpal etý úshin kezdesýlerin jalǵastyrýda. Bul týraly Parlament Májilisiniń Baspasóz qyzmeti habarlaıdy, dep jazady Egemen.kz

Depýtattar qoǵamdyq baqylaý aıasynda dárihanalarǵa bardy. Onda dári-dármekter men medısınalyq maqsattaǵy buıymdardyń jetkilikti bolýyn baqylady. Sondaı-aq, dárigerlerdiń jumys jaǵdaılary men emdelýshilerge erekshe nazar aýdardy.

Májilis depýtaty, Nur Otan partııasy fraksııasynyń múshesi Sergeı Zvolskıı Soltústik Qazaqstan oblysyndaǵy Taıynsha aýdany, Keller aýylyndaǵy provızorlyq stasıonarǵa bardy. Májilismen medısına qyzmetkerleriniń jumystarymen, onda em qabyldap jatqan adamdardyń, onyń ishinde jaqyn mańdaǵy aýdandardan kelgen emdelýshilerdiń jaǵdaıymen tanysty. Dárigerlerdiń aıtýynsha, búginde aýrýhanada 43 naýqas em qabyldap jatsa, 99 adam saýyǵyp shyqqan.

Provızorlyq stasıonar ujymymen áńgimelesken depýtat ortalyqtyń dári-dármektermen jáne jeke qorǵanys quraldarymen jetkilikti túrde qamtamasyz etetindigine kóz jetkizdi. Sonymen qatar, Májilis depýtaty Keńes Absatırov Soltústik Qazaqstan oblysynyń M. Jumabaev atyndaǵy aýdanǵa, sondaı-aq, Mamlıýt jáne Jambyl aýdandarynda bardy. Ol oblystyq aýrýhanalardyń medısınalyq qyzmetkerlerimen kezdesip, problemalyq máselelerdi talqylady.

K.Absatırov "Aq jol" partııasynyń atynan oblystyq aýrýhanalarǵa pýlsoksımetrler jáne jeke qorǵanysh quraldaryn syıǵa tartty. Jumys saparynyń sońynda depýtattar dárigerler men medbıkelerge olardyń jumysyna qoldaý bildirip, aımaqta koronavırýstyq indetke qatysty jaǵdaı jergilikti atqarýshy organdardyń baqylaýynda ekenin atap ótti.

Sońǵy jańalyqtar

Tashkent tragedııasy

Sport • Keshe

Uqsas jańalyqtar