Aımaqtar • 29 Shilde, 2020

Almaty HQO-lary sapaly qyzmet pen saýapty isti qatar alyp júr

6 ret kórsetildi

Qazaq halqynda "Jaqsylyq kórseń asyr..." degen sóz bar. Qazirgi kezde elimizdi qaýipti indet dendep, kári-jas demeı jantalasyp, qaýipti dertpen kúresip jatyr. Jaqyndarynan, aǵaıyn-týystardan aıyrylyp qalǵandar qanshama... Osyndaı qıyn-qystaý kezeńde qınalyp júrgenderge qol ushyn sozyp, járdem berýden adamnyń adamshylyǵy men meıirbandylyǵy kórinedi. Bul bir synaq. Densaýlyqpen ǵana emes, adamshylyǵymyz ben qaıyrymdylyǵymyz da synǵa túsip jatqan kez.

Osyndaı jaǵdaıda Azamattarǵa arnalǵan úkimettiń Almaty qalasy fılıalynyń qyzmetkerleri de bir jaǵadan bas, bir jeńnen qol shyǵaryp, ujymdyq birliktiń úlgisin kórsetip júr. Máselen, Alataý aýdandyq front-ofıs qyzmetkerleri, kómek suraǵan eki jastaǵy Qydyrbaeva Mádınanyń syrqatyn shetelde emdetýge ujym bolyp qarajat jınap, kómek qolyn sozdy. Al, onyń ata-anasyna áleýmettik baspana alýǵa qajetti qujattaryn jınaýǵa kómektesip, baspana kezegine turýǵa járdemdesti.

Sonymen qatar, aýdan turǵyny Baqyt Altynbekqyzynyń otbasy músheleri túgel indetke shaldyǵyp, aýrýhanaǵa túskende, Alataý front-ofısi mamandary kómekke kelip, dári-dármegi men qajetti zattaryn alyp berdi.

Al, №2 mamandandyrylǵan HQO basshysy Juldyz Abyqanova Naýryzbaı aýdanynyń basshysy Balaýsa Uldarbekova Túrksib aýdanynda Nazgúl Júnisova, Almaly-2 bóliminde Baǵlan bastaǵan HQO eriktileri 50-ge jýyq otbasyna azyq-túlik, turmystyq zattarmen qaıyrymdylyq kómek jasady. Al, Almaly aýdandyq bóliminiń mamany, Qazaqstannyń qurmetti donory Dınara Turǵalıqyzy kezekti ret donasııa jasap, talaı jannyń ómirine arasha boldy.

Osylaısha, Almaty qalasy halyqqa qyzmet kórsetý ortalyqtarynyń qyzmetkerleri óz densaýlyqtaryn qaterge tige otyryp, qyzmet alýshylarǵa tez ári sapaly qyzmet kórsetýmen qatar, qala turǵyndaryn moraldyq jáne psıhologııalyq turǵydan qoldap, materıaldyq demeý de kórsetip júr.

"Osyndaı syn saǵattardy elmen birge bolyp, qınalǵandarǵa járdem berý patrıottyq qana emes, ǵajap adamı qundylyqtardyń ozyq úlgisi. Aýyzbirshiligimizdi saqtap, bir-birimizge degen meıirimdilik, qaıyrymdylyq syndy izgi qasıetterimizdi joǵaltpasaq, qıyndyqtyń qandaıyna da qarsy tura alarymyz sózsiz", - deıdi "Azamattarǵa arnalǵan úkimet" MK Almaty qalasy fılıalynyń PR-menedjeri Jańyl Ápetova.

 

ALMATY

Sońǵy jańalyqtar

Uqsas jańalyqtar