Belgııada shekteý sharalary kúsheıdi. Jańa erejege saı, birge turatyn otbasy músheleriniń sany 5-ten aspaýy tıis. Dúkenge bir-birden ǵana barýǵa bolady. Kompanııalar qashyqtan jumys istep, qoǵamdyq oryndar jabyldy. Elde sońǵy aptada koronavırýs juqtyrǵandar sany 70 paıyzǵa ósken. Iаǵnı orta eseppen táýligine 280 adam dertke shaldyǵyp jatyr..
Eýropada pandemııanyń ýshyǵýyna týrıster de sebepshi. Germanııada maýsym-shilde aılarynda qaýipti dertke táýligine 400-deı adam shaldyqqan. Olardyń kóbi shetelge baryp kelgender. Sondyqtan densaýlyq saqtaý mınıstrligi saıahattardy shektep, basqa elge barǵandardy mindetti testileýden ótkizýdi qarastyryp jatyr.
Degenmen Dúnıejúzilik densaýlyq saqtaý uıymy vırýstyń taralýyn toqtatý úshin, halyqaralyq saparlarǵa uzaq ýaqytqa tyıym salý múmkin emes deıdi.
