Medısına • 29 Shilde, 2020

Almatyda radıologııalyq keskinderdi saqtaıtyn aımaqtyq qor quryldy

10 ret kórsetildi

Bul jóninde óńirlik kommýnıkasııalar qyzmetiniń alańynda ótken onlaın brıfıngte Sıfrlandyrý basqarmasynyń basshysy Baıan Qońyrbaev jáne "iMedHub" jobasynyń jetekshisi Renata Ahmad habarlady, - dep jazady Egemen.kz

2020 jyldyń sáýirinde Forus Data medısınalyq keskinderdi óńdeýge arnalǵan PACS serverin (quny shamamen 30 mln. teńge) jasady. Ol Almaty qalasynyń Data ortalyǵynda ornalasqan.

PACS júıesi (sýretti muraǵattaý jáne baılanys júıesi) kompıýterlik jelilerdi, serverlerdi, baǵdarlamalyq qamtamasyz etýdi júzege asyrady jáne sandyq radıologııalyq keskinderdi saqtaýǵa, muraǵattaýǵa múmkindik beredi.

Jasandy ıntellekti qoldaný arqyly ókpe aýrýyn dıagnostıkalaý úshin PACS serverine qosý jumysy Almatydaǵy birqatar aýrýhanalarda júzege asyryldy:

- I. Jekenov atyndaǵy qalalyq klınıkalyq juqpaly aýrýlar aýrýhanasy;
- Qazaq onkologııa jáne radıologııa ǵylymı-zertteý ınstıtýty;
- Almaty qalasy Ulttyq ftızıopýlmonologııa ǵylymı ortalyǵy;
- Almaty qalasy balalar klınıkalyq juqpaly aýrýlar aýrýhanasy;
- Modýldik juqpaly aýrýlar aýrýhanasy;
PACS jáne qyzmetterdi qosý jumysy kelesi mekemelerde júrgizilýde:
- BSMP Almaty qalasy;
- Almaty qalalyq onkologııa ortalyǵy;
- № 12 qalalyq klınıkalyq aýrýhana.

PACS - qosylǵan barlyq aýrýhanaǵa sandyq medısınalyq keskinderge qol jetkizý múmkindigin beredi. Naýqasty bir medısınalyq uıymnan ekinshisine jibergen kezde plıonka nemese qaǵaz keskinderin qoldanýdyń qajeti joq. Sonymen qatar aýrý dınamıkasyn baqylaý múmkindigin beredi.
Dárigerler jasandy ıntellekti qosymsha pikir retinde qoldanady. Bul olardyń jumysyn jeńildetýge, aýrýdyń naqty dıagostıkasyn jasaýǵa múmkindik bermek.

Osy jyldyń maýsym aıynda Almaty qalasy juqpaly aýrýlar aýrýhanasymen jáne I. Asfendııarov atyndaǵy QazUMÝ- men birge "Alǵashqy sımptomnyń boljamdaryn dıagnostıkalaý jáne jasandy ıntellekti aqparattyq tehnologııaǵa engizý negizindegi COVID-19-dyń aýyr ótý qaýpiniń predıktory" qyzmetin damytý týraly kelisimge qol qoıyldy. Qazirgi ýaqytta medısınalyq aqparattyq júıemen birge pılottyq rejımde GKIB iske qosylýda. Qan markerlerine arnalǵan bul qyzmet túri - aýrýdyń aýyr ótý dárejesin boljaýǵa múmkindik beredi. Sol arqyly aýrýhanalar terapııa ádisterin, reanımasııaǵa jatqyzý qajettiligin nemese kerisinshe bosatýdy josparlaı alady.

2019 jyly maýsymda "Crystal spring" kompanııasy Dúnıejúzilik banktiń "Inklıýzıvti ınnovasııalyq konsorsıým" baǵdarlamasy boıynsha "Mashınalyq oqytý júıesi negizinde ókpe aýrýlaryn dıagnostıkalaý boıynsha baǵdarlamalyq qamtamasyz etý men qyzmetterdi usyný" jobasy grantyn utyp aldy. Bul jobany QR MSRIAP birge damytý jumystary júrgizilýde.

Almaty qalasynyń ákimdigimen birlesip jobany emhana, aýrýhanada jáne jeke medısınalyq mekemelerde qyzmetterdi qosý jobasyn keńeıtý jospary jasalýda. Sondaı-aq jobany qarjylandyrý mehanızmin ázirleý qajet.

Sońǵy jańalyqtar

Altyn astyq qambaǵa quıyla bastady

Qazaqstan • Búgin, 14:10

Almaty qalasynda jer silkindi

Ekologııa • Keshe

Adasqan balalar aman-esen tabyldy

Aımaqtar • 07 Tamyz, 2020

Prezıdent Ahmetjan Esimovti qabyldady

Prezıdent • 07 Tamyz, 2020

Uqsas jańalyqtar