Aımaqtar • 29 Shilde, 2020

Altaı Kólginov bas múftımen Qurban aıtty atap ótý máselesin talqylady

5 ret kórsetildi

Búgin elorda ákimi Altaı Kólginov QMDB Bas múftıi Naýryzbaı Qajy Taǵanulymen kezdesip, karantın rejımi jaǵdaıynda ótetin Qurban aıtty atap ótý máselesin talqylady. Bul týraly qala ákimdigi habarlady, - dep jazady Egemen.kz

Eldegi sanıtarly-epıdemıologııalyq ahýalǵa baılanysty adamdardyń kóptep jınalýyna, bir jerge shoǵyrlanýyna bolmaıdy. 5 shildeden bastap engizilgen qatań karantın rejımine sáıkes, barlyq rásim onlaın ótkizilýi qajet. Osyǵan sáıkes bıyl Qurbandyq shalý rásimderi de onlaın-formatta ótedi. Osy oraıda, alǵash ret qashyqtan qurban shalýdy uıymdastyrý maqsatynda qurban2020.kz saıty iske qosyldy. Atalǵan saıtta kez-kelgen azamat onlaın túrde qurban shalýǵa tapsyrys bere alady.

Búgingi kezdesýde qala ákimi vırýstyń taralý qaýpiniń aldyn alý maqsatynda qaýipsizdik sharalaryna mán beriletinin atap ótip, elordalyq meshitterge uıymdastyrý jumystary boıynsha kómek kórsetiletinin atap ótti. Ol úshin volonterler men IT mamandardan turatyn qalalyq arnaıy shtab quryldy.

Sonymen qatar Nur-Sultan qalasynyń Din isteri jónindegi basqarmasy Qazaqstan Musylmandary Dinı Basqarmasynyń elorda boıynsha ókildigi jáne tıisti memlekettik mekemelermen birlese daıyndyq jumystaryn júrgizip jatyr. Ruqsat etilmegen jerlerde qurbandyq shalýǵa bolmaıdy. Osy máseleni jáne adamdardyń toptaspaýyn qadaǵalaý úshin aýdan ákimdikterinde shuǵyl áreket etý toptary quryldy. Barlyq memlekettik organdar kúsheıtilgen rejımde jumystar júrgizedi.

Sońǵy jańalyqtar

Tashkent tragedııasy

Sport • Keshe

Uqsas jańalyqtar