Elorda • 29 Shilde, 2020

"Aq meshit" meshitiniń ımamy: Onlaın qurbandyq shalǵandarǵa vıdeoesep jiberiledi

58 ret kórsetildi

Aksııaǵa qatysýshylar maldyń qurbandyqqa óz atynan shalynǵandyǵy týraly vıdeoesep ala alady. "Aq meshit" meshitiniń bas ımamy Dáýren Múslimov Qurban aıttyń bıyl qalaı toılanatyndyǵy týraly aıtty, dep habarlaıdy elorda ákimdiginiń resmı saıty. 

"Barsha musylmandardy kele jatqan Qurban aıt merekesimen quttyqtaǵym keledi. О́kinishke qaraı, elimizdegi epıdemııalyq jaǵdaıǵa jáne karantın rejimine baılanysty mereke ótkizýge aıtarlyqtaı ózgerister endi. Qazaqstannyń Bas múftıi Naýryzbaı qajy Taǵanulynyń bastamasymen Qurban2020.kz saıty ashyldy, onda adamdar qurbandyqqa shalynatyn maldy soıý týraly onlaın ótinish bere alady", deıdi D.Múslimov.

Imamnyń aıtýynsha, Qurban aıt kúnderi musylmandar qaıyrymdylyqpen aınalysýy kerek. Bul ıgi is adamdarǵa Alladan syı men keshirim beredi.

"Barlyq qurbandyq eti muqtaj jandarǵa taratylady. Saıtta kómekke muqtajdardyń barlyǵy et alýǵa ótinish bere alady. Biz qala turǵyndaryn osy aksııaǵa qatysýǵa jáne muqtaj jandar úshin merekelik dastarhan jasaýǵa shaqyramyz. Aksııaǵa qatysýshylar maldyń qurbandyqqa shalynǵany týraly vıdeoesep ala alady", dedi Múslimov.

Habarlanǵandaı, sanıtarlyq-epıdemııalyq jaǵdaıǵa baılanysty 31 shildede qala meshitterinde merekelik "Aıt namazy" oqylmaıdy. Qoǵamdyq qaýipsizdikti qamtamasyz etý jáne adamdar kóp jınalmaýy úshin dástúrli mal soıý oryndary (bazarlar, sharýa qojalyqtary) jabylady. Sonymen qatar, elordaǵa satýǵa ákelinetin iri qara men usaq maldy kirgizý shekteledi. Qala turǵyndarynan qoǵamdyq qaýipsizdikti qamtamasyz etý men barlyq sanıtarlyq-epıdemııalyq saqtyq sharalaryn saqtaý suralady. 2020 jyly "Qurban aıt" merekesi 31 shilde men 2 tamyz aralyǵynda ótedi.

Sońǵy jańalyqtar

Prezıdent Ahmetjan Esimovti qabyldady

Prezıdent • Búgin, 18:21

Qyzylordada eki kúnde 36 adam ustaldy

Aımaqtar • Búgin, 17:51

Sora ekken turǵyn tergelýde

Aımaqtar • Búgin, 16:33

Uqsas jańalyqtar