Ekonomıka • 29 Shilde, 2020

Ulttyq qordyń calyqtyq túsimderi úshten birge qysqardy

16 ret kórsetildi

2020 jyldyń birinshi jartyjyldyǵynda salyq túsimderi 930 mlrd teńgege tómendegen, - dep habarlaıdy Egemen.kz afk.kz derekkózine silteme jasap.

2020 jyldyń birinshi jartyjyldyǵynyń qorytyndysy boıynsha Qazaqstannyń shoǵyrlandyrylǵan bıýdjetiniń (ShB) kiristeri 7 538 mlrd teńgeni qurady, bul ótken jyldyń sáıkes kezeńimen salystyrǵanda 19,3% - ǵa joǵary. ShB shyǵystary 23,7% - ǵa 7 399 mlrd teńgege deıin ulǵaıdy. Bul rette ShB aǵymdaǵy jyldyń birinshi jartyjyldyǵynda bıýdjettik kredıt berýdi (-214,5 mlrd teńge) jáne qarjy aktıvterimen jasalatyn operasııalardy (-264,9 mlrd teńge) eskere otyryp, 343,3 mlrd teńge tapshylyǵymen qalyptasqan. 

Sonymen qatar, osy jyly ShB kirisiniń artýy negizinen Ulttyq qordy basqarýdan túsetin tabystyń ósýine baılanysty, ol 2020 jyldyń birinshi toqsanynda 2019 jyldyń alǵashqy úsh aıynda 405,6 mlrd teńge kiriske qaraǵanda 2 559 mlrd teńgeni qurady. Aıta ketý kerek, bul sandar tirkelgen kiris emes, tek bir sátte teńgedegi ınvestısııalar qunynyń ózgerýin kórsetedi. Sondaı-aq, 2020 jyldyń birinshi toqsanynda osyndaı eleýli ınvestısııalyq tabys teńge qunynyń kúrt tómendeýimen baılanysty bolǵanyn atap ótemiz. Esterińizge sala keteıik, USDKZT baǵamy aǵymdaǵy jyldyń qańtar-naýryz aılarynda 17% - ǵa, bir dollar úshin 382,6 teńgeden 447,7 teńgege deıin ósti, - delingen habarlamada. 

Sońǵy jańalyqtar

Sora ekken turǵyn tergelýde

Aımaqtar • Keshe

Uqsas jańalyqtar