Qoǵam • 29 Shilde, 2020

Qazaqstandyq áýe kompanııalary toqtatylǵan reıster úshin jolaýshylar shyǵynyn qaıtarady

22 ret kórsetildi

Saýda jáne ıntegrasııa mınıstrliginiń Tutynýshylardyń quqyqtaryn qorǵaý komıteti azamattyq avıasııa salasynda azamattardyń tutynýshylyq quqyqtarynyń buzylýyna jol bermeý boıynsha jumysty jalǵastyrýda. Bul týraly mınıstrliktiń baspasóz qyzmetine silteme jasaı otyryp Egemen.kz habarlaıdy.

Bek Eır-dan basqa, Komıtet qazaqstandyqtardyń tutynýshylyq quqyqtaryn qorǵaý maqsatynda tótenshe jaǵdaı kezinde joıylǵan reısterge bıletterdiń qunyn qaıtarý boıynsha Scat, Air Astana, Fly Arystan avıakompanııalarymen ózara is-qımyl jasaıdy. Búgingi tańda Komıtetpen osy ýaqytqa deıin aqshalaı qarajaty ótelmegen azamattardyń tizimi jasalýda.

Osyǵan baılanysty, otandyq avıakompanııalardyń toqtatylǵan reısteri úshin qarajat almaǵan azamattar (tótenshe jaǵdaıdyń engizilýine baılanysty) bıletti satyp alǵanyn rastaıtyn barlyq qujattardy (jeke basyn kýálandyratyn qujattyń kóshirmesi, avıabılet, tólemdi rastaý) qosa bere otyryp, TQQK-ne júginýi qajet.

TQQK-niń atyna ótinish elektrondyq úkimet portaly arqyly myna silteme boıynsha qabyldanady: https://egov.kz/cms/ru/services/citizen_and_the_government/e_app. Poshtamen myna meken-jaı boıynsha: Nur-Sultan qalasy, Máńgilik El dańǵyly, 8, Mınıstrlikter Úıi, 2-kireberis. Sondaı-aq telegramm-bot arqyly: kzpp_bot.

Esterińizge sala keteıik, "Bek Eır" AQ áýekompanııasyna TQQK-niń 2 talap aryzyn Almaty qalasynyń Túrksib soty tolyq kólemde qanaǵattandyrdy. 990 tutynýshynyń múddeleri qorǵaldy. Sot "Bek Eır" AQ-na toqtatylǵan reısterge bıletter úshin azamattarǵa jalpy 60,1 mln teńge qaıtarýdy mindettedi.

Sońǵy jańalyqtar

Sora ekken turǵyn tergelýde

Aımaqtar • Keshe

Uqsas jańalyqtar