2013 jylǵy 26 aqpan, Astana qalasy
«Valıýtalyq túsimniń túsýi týraly qorytyndynyń nysanyn jáne ony berý tártibin bekitý týraly» Qazaqstan Respýblıkasy Qarjy mınıstriniń 2008 jylǵy 30 jeltoqsandaǵy №629 buıryǵyna ózgerister engizý týraly
«Qazaqstan Respýblıkasynyń keıbir zańnamalyq aktilerine salyq salý máseleleri boıynsha ózgerister men tolyqtyrýlar engizý týraly» 2012 jylǵy 26 jeltoqsandaǵy Qazaqstan Respýblıkasynyń Zańyn jáne «Sáıkestendirý nómirleriniń ulttyq tizilimderi týraly» 2007 jylǵy 12 qańtardaǵy Qazaqstan Respýblıkasynyń Zańyn iske asyrý maqsatynda buıyramyn:
1. «Valıýtalyq túsimniń túsýi týraly qorytyndynyń nysanyn jáne ony berý tártibin bekitý týraly» Qazaqstan Respýblıkasy Qarjy mınıstriniń 2008 jylǵy 30 jeltoqsandaǵy №629 buıryǵyna (Normatıvtik quqyqtyq aktilerdi memlekettik tirkeý tiziliminde №5494 tirkelgen, «Zań gazeti» gazetinde 2009 jylǵy 20 naýryzda №42 (1639) jarııalanǵan) mynadaı ózgerister engizilsin:
2-tarmaq mynadaı redaksııada jazylsyn:
«2. Salyq qyzmeti organdary valıýtalyq túsimniń túsýi týraly qorytyndyny qalyptastyrý kúnindegi jaǵdaı boıynsha osyndaı qorytyndyny berý týraly suraý salýlardy salyqtyq tekserý bastalǵannan keıin 5 jumys kúni ishinde:
kelisimsharttyń esepke alý nómirin berý nemese olar boıynsha eksport jónindegi kelisimsharttarǵa esepke alý nómirleri alynǵan nemese mámile pasporttary resimdelgen kelisimsharttarǵa qatysty mámile pasporttaryn resimdeý orny boıynsha Qazaqstan Respýblıkasy Ulttyq Bankiniń aýmaqtyq fılıaldaryna nemese ekinshi deńgeıdegi bankterge;
Qazaqstan Respýblıkasynda fılıaldar men ókildikter arqyly qyzmetterin júzege asyratyn rezıdent emesterge qatysty fılıaldyń nemese ákildiktiń banktik shotyn ashý orny boıynsha ekinshi deńgeıdegi bankterge jiberedi.
Suraý salýdy jiberý kezinde: salyq tóleýshiniń ataýy, jeke sáıkestendirý nómiri/bıznes sáıkestendirý nómiri (JSN/BSN), kelisimsharttyń nómiri jáne kúni, suraý salynǵan kezeń, nusqamanytirkeý nómiri jáne kúni kórsetiledi. Eksport boıynsha kelisimsharttardyń esepke alý nómirleri alynǵan nemese mámile pasporty resimdelgen kelisimsharttarǵa qatysty suraý salýda sondaı-aq kelisimsharttyń esepke alý nómiri jáne onyń berilgen kúni nemese mámile pasporttarynyń nómiri jáne kúni kórsetiledi.»;
kórsetilgen buıryqpen bekitilgen qosymsha osy buıryqqa qosymshaǵa sáıkes jańa redaksııada jazylsyn.
2. Qazaqstan Respýblıkasy Qarjy mınıstrliginiń Salyq komıteti (Á.S.Jumadildaev):
1) osy buıryqtyń Qazaqstan Respýblıkasy Ádilet mınıstrliginde memlekettik tirkelýin jáne keıinnen buqaralyq aqparat quraldarynda resmı jarııalanýyn;
2) osy buıryqty Qazaqstan Respýblıkasy Qarjy mınıstrliginiń Internet-resýrsynda ornalastyrýdy qamtamasyz etsin.
3. Osy buıryq alǵashqy resmı jarııalanǵanynan keıin kúntizbelik on kún ótken soń qoldanysqa engiziledi.
Qazaqstan Respýblıkasynyń Qarjy mınıstri B.JÁMIShEV.
Qazaqstan Respýblıkasy Qarjy mınıstriniń 2013 jylǵy 26 aqpandaǵy №107 buıryǵyna qosymsha
Qazaqstan Respýblıkasy Qarjy mınıstriniń 2008 jylǵy 30 jeltoqsandaǵy № 629 buıryǵymen bekitilgen
20___ jylǵy «__» ___________ bastap 20___ jylǵy «__» __________ qosa alǵandaǵy
kezeńde valıýtalyq túsimniń túsýi týraly qorytyndy
№ Tekseriletin salyq tóleýshi Shot valıýtasy Valıýtalyq túsimniń túsýi týraly málimetter Kelisim-sharttyń nómiri men kúni Kelisimshartty esepke alý nómiri jáne ony bergen kúni nemese mámile pasportynyń nómiri jáne kúni
jeke sáıkestendirý nómiri/ bıznes sáıkestendirý nómiri (JSN/BSN) Salyq tóleý-shiniń ataýy jiberýshiniń ataýy kúni tólem somasy
1 2 3 4 5 6 7 8 9
Eskertpe:
9-baǵan eksport boıynsha kelisimsharttardy esepke alý nómirleri alynǵan nemese mámile pasporttary resimdelgen kelisimsharttarǵa qatysty toltyrylady.
Buıryq Qazaqstan Respýblıkasynyń Ádilet mınıstrliginde 2013 jylǵy 1 sáýirde Normatıvtik quqyqtyq kesimderdi memlekettik tirkeýdiń tizilimine №8405 bolyp engizildi.
