Ekonomıka • 29 Shilde, 2020

700 myń salyq tóleýshi memlekettik qoldaý sharalarymen qamtyldy – R.Dálenov

13 ret kórsetildi

Ulttyq ekonomıka mınıstrligi bızneske arnalǵan negizgi salyq bosańsýlary týraly baıandady. Bul týraly mınıstrliktiń baspasóz qyzmetine silteme jasaı otyryp Egemen.kz habarlaıdy.

Vedomstvo basshysy Rýslan Dálenovtiń aıtýynsha, ekonomıkanyń neǵurlym osal salalarynda jyl sońyna deıin múlik salyǵy nóldendirildi. Aýyl sharýashylyǵy maqsatyndaǵy jerlerde aýyl sharýashylyǵy ónimin óndirýshiler úshin jyl sońyna deıin jer salyǵy mólsherlemesi nóldendirildi. Asyl tuqymdy mal sharýashylyǵyn ımporttaý kezinde esepteý ádisimen QQS tóleý múmkindigi berildi. Iаǵnı bul is júzinde salyqtan bosatýdy bildiredi.

"Áleýmettik mańyzy bar azyq-túlik taýarlary úshin QQS mólsherlemesi 2020 jylǵy 1 qazanǵa deıin 12%-ten 8%-ke tómendetildi. 29 edáýir zardap shekken ekonomıka salalarynda 2020 jylǵy 1 qazanǵa deıin salyqtar men eńbekaqy bóleý qorynyń tólemderi  boıynsha mólsherleme nóldendirildi. Bul qyzmetkerdiń jeke tabys salyǵy jáne mindetti zeınetaqy jarnasy, áleýmettik salyq jáne áleýmettik aýdarymdar, mindetti medısınalyq saqtandyrý jarnalary men aýdarymdary", dep atap kórsetti Ulttyq ekonomıka mınıstri.

Jalpy shara 700 myń salyq tóleýshini 1 trln teńge somasynda qamtyp otyr, dedi Dálenov.

"Budan basqa, buryn tótenshe jaǵdaı kezinde ShOB-qa  qaryz júktemesiniń ósýine jol bermeý úshin negizgi kredıt qaryzy men syıaqy  tólemi 90 kúnge keıinge qaldyrylǵan bolatyn", dep túıindedi sózin ol.

Sońǵy jańalyqtar

Úsharal garnızony tekserildi

Aımaqtar • Keshe

Jastar saıty iske qosyldy

Aımaqtar • Keshe

Ustaz joly

Rýhanııat • Keshe

Uqsas jańalyqtar