Qazaqstan • 29 Shilde, 2020

Kúnbaǵys tuqymyn el aýmaǵynan úshinshi elge áketýge arnaıy qujat daıyn – AShM

11 ret kórsetildi

Aýyl sharýashylyǵy mınıstriniń 2020 jylǵy 28 shildedegi № 240 buıryǵymen Kúnbaǵys tuqymyn Qazaqstan Respýblıkasynyń aýmaǵynan úshinshi elderge áketýge qorytyndy (ruqsat berý qujatyn) berý qaǵıdalary bekitildi, dep habarlaıdy AShM baspasóz qyzmeti.

Qaǵıdaralarǵa sáıkes, qorytyndy (ruqsat berý qujaty) Aýyl sharýashylyǵy mınıstrligi Agroónerkásiptik keshendegi memlekettik ınspeksııa komıtetiniń aýmaqtyq bólimshelerimen beriledi.

Qorytyndy (ruqsat berý qujatyn) alý úshin aýyl sharýashylyǵy taýaryn óndirýshiler ýákiletti organǵa kelesi qujattardy usynady:

1) kúnbaǵys tuqymyn Qazaqstan Respýblıkasynyń aýmaǵynan úshinshi elderge áketýge qorytyndy (ruqsat berý qujatyn) berý týraly ótinish;

2) kúnbaǵys tuqymyna ınvoıstyń nemese taýar-kóliktik júkqujattyń kóshirmesi;

3) jeke basyn kýálandyratyn qujat jáne (nemese) ókildiń ókilettigin rastaıtyn qujat (sáıkestendirý úshin).

QR AShM AО́K MIK aýmaqtyq bólimsheleri búgingi kúnnen bastap kúnbaǵys tuqymyn Qazaqstan Respýblıkasynyń aýmaǵynan úshinshi elderge áketýge qorytyndy (ruqsat berý qujatyn) berýge daıyn.

Sońǵy jańalyqtar

Uqsas jańalyqtar