Qazaqstan • 29 Shilde, 2020

Kásipodaqtar federasııasy dárigerler eńbegin baǵalaýdy usyndy

12 ret kórsetildi

Memleket basshysynyń  pandemııaǵa qarsy kúrestiń aldyńǵy leginde júrgen medısına qyzmetkerlerine  memleket tarapynan qoldaý sharalaryn jarııalaǵanyna qaramastan, QR Kásipodaqtar federasııasynyń  (QRKF) aqparaty boıynsha olardy oryndaýda olqylyqtar baıqalady.  Sondyqtan QRKF Úkimet basshysyna hat jazyp, birqatar usynystarymen shyqty, - dep habarlaıdy Egemen.kz

Atap aıtqanda  medısınalyq personalǵa birjolǵy áleýmettik tólemder ýaqtyly taǵaıyndalmaı otyr. Ári QR Eńbek jáne halyqty áleýmettik qorǵaý mınıstriniń 2020 jylǵy 9 sáýirdegi №129 jáne QR Densaýlyq saqtaý mınıstriniń 2020 jylǵy 9 sáýirdegi №QR DSM-35/2020 birlesken buıryǵymen bekitilgen Densaýlyq saqtaý uıymdarynyń COVID-19 koronavırýstyq ınfeksııasymen kúres jónindegi epıdemııaǵa qarsy is-sharalarǵa tartylǵan qyzmetkerleri atalǵan ınfeksııany juqtyrǵan nemese odan qaıtys bolǵan jaǵdaıda olarǵa birjolǵy áleýmettik tólemdi júzege asyrý qaǵıdalarynda  (budan ári qaǵıda) koronavırýspen kúreske  tartylǵandar ınfeksııany juqtyrǵan nemese odan qaıtys bolǵan jaǵdaıda polımerazalyq tizbek reaksııasy (PSR) taldaýy teris nátıje kórsetse, pnevmonııamen aýrýdy nemese odan qaıtys bolǵan jaǵdaılardy koronavırýsqa  jatqyzbaǵandyqtan, olar birjolǵy áleýmettik tólemdi alý quqyǵynan aırylady.  Budan basqa, epıdemııaǵa qarsy is-sharalarǵa tartylǵan birqatar qyzmetkerler ıaǵnı  hırýrgııa, gınekologııa jáne zerthanalyq-dıagnostıkalyq bólimderiniń, radıologııalyq jáne patologoanatomııalyq qyzmetteriniń, ÝDZ mamandary, psıhologtar, jedel medısınalyq kómek brıgadalarymen turaqty qatynasta bolatyn jumyskerler (dıspetcherler, mehanıkter jáne basqalary)  áleýmettik tólemdermen qamtylmaı otyr.

"Sońǵy aılar boıy medısınalyq qyzmetkerler ústeme túrde, túngi ýaqytta, mereke jáne demalys kúnderi jumys isteýge májbúr bolýda. Alaıda, is júzinde jumys berýshiler  ústeme jumystar úshin tólenetin qosymsha aqynyń mólsherin shektep otyr. «Atalǵan shekteýler (Eńbek kodeksiniń 78 baby 3 tarmaǵyna sáıkes) pandemııa jaǵdaıynda qoldanylmaýy tıis", - delingen QRKF-nyń Úkimet basshysynyń atyna joldanǵan hatta.

Sonymen qatar, pandemııamen kúreske áskerı klınıkalyq gospıtalder men olardyń qyzmetkerleri tartyldy. Alaıda, joǵaryda atalǵan qaǵıdada  ústemeaqy berýde eskerilmegen, jáne koronavırýsty juqtyrý qaýpi tónip turǵanyna qaramastan, osy ýaqytta deıin qosymsha tólemderdi alý quqyǵynan aırylyp otyr.

"QR Qarjy mınıstrliginiń Qarýly Kúshterdiń medısınalyq qyzmetkerleri laıyqty aqshalaı nápaqamen qamtamasyz etilgendikten, turǵyn úı tólemderin alatyndyqtan jáne «Áskerı qyzmet jáne áskerı qyzmetshilerdiń mártebesi týraly» Zańynda qarastyrylǵan barlyq jeńildiktermen paıdalanatyndyqtan, olarǵa ústemaqy tóleý orynsyz degen ustanymy eshqandaı syn kótermeıdi. Buǵan qosa, tıisti ústemaqyny alý quqyǵynan aırylǵan áskerı medısınalyq mekemelerdiń medısınalyq jumyskerleriniń qatarynda áskerı qyzmetshilerge jatpaıtyn azamattyq qyzmetkerler de bar",- delingen  QRKF hatynda.

QRKF COVID-19 pandemııasymen kúreske tartylǵan medısına qyzmetkerleriniń úlesin ádil baǵalaý maqsatynda olardy memleket tarapynan qoldaýdyń (qorǵaýdyń) turaqty túrde qoldanylatyn qosymsha sharalaryn zańnamalyq deńgeıde bekitýdi usynyp otyr.

 

 

 

«

Sońǵy jańalyqtar

Uqsas jańalyqtar