Aımaqtar • 29 Shilde, 2020

Túrkistan oblysynda zańbuzýshylyq jer qatynastary salasynda kóp

186 ret kórsetildi

Túrkistan oblysynda Ádep normalaryn buzý deregi boıynsha tártiptik ister bıyldyń I-jartyjyldyǵynda ótken jyldyń osy kezeńimen salystyrǵanda 50%-ǵa azaıǵan. Sondaı-aq, memlekettik qyzmetshilerdiń tártiptik jaýapkershilikke tartylý deıgeıi ótken jyldyń osy kezeńimen salystyrǵanda 13%-ǵa kemigen, - dep habarlaıdy Egemen.kz

Budan bólek, Memlekettik qyzmet isteri Agenttiginiń Túrkistan oblysy boıynsha departamenti alty aıda memlekettik qyzmet kórsetý zańnamasyn saqtaý máselesi boıynsha 17 tekserý júrgizip, nátıjesinde 208 zańbuzýshylyq anyqtalǵan. Onyń basym bóligi jer qatynastary (73%), halyqty áleýmettik qorǵaý (12%), sáýlet jáne qurylys (3%), bilim (3%) salalarynda oryn alǵan. Bul rette, Departament usynysymen zańbuzýshylyqtarǵa jol bergen memlekettik organdardyń 10 qyzmetkeri túrli tártiptik jaýapkershilikke tartylǵan. О́ńirlik kommýnıkasııalar qyzmetinde ótken brıfıngte Departament basshysy, Ádep jónindegi keńes tóraǵasy Aıbek Shilmanov osyndaı derekterdi keltire kele, memlekettik qyzmetshilerdiń jalpy konkýrstarǵa qatysý tártibi jeńildetilgenin aıtyp ótti.

Qazir barlyq memlekettik organdardyń qyzmetkerleri arasynda ótetin ishki konkýrs jalpy konkýrspen biriktirilip, memlekettik qyzmetke ornalasý boıynsha konkýrs ótkizý merzimi 30%-ǵa qysqartyldy. Atalǵan jańa bastama bos oryndardy ýaqytty únemdi paıdalaný arqyly jyldam túrde toltyrýǵa óz septigin tıgizedi.

"Qazirgi tańda Túrkistan oblysynda 6583 memlekettik qyzmetshi jumys istese, bos laýazymdar sany – 440. Memlekettik qyzmetshiler endi konkýrstarǵa jalpy negizde emes, ishki konkýrsqa uqsas jeńildetilgen tártip boıynsha qatysady. Bul rette, konkýrssyz taǵaıyndalatyn memlekettik organ birinshi basshylarynyń kómekshileri, keńesshileri, baspasóz hatshylary testileýden jəne jeke qasıetterin baǵalaýdan ótken jaǵdaıda osy laýazymǵa ornalasqannan keıin bir jyl ótken soń ǵana ishki konkýrsqa qatysýǵa jiberiledi", - dedi Aıbek Aqbergenuly.

Brıfıng barysynda departament basshysy aýyldyq okrýgterdiń ákimderine ókilettik merzimi aıaqtalǵannan keıin bir jyl ishinde kez-kelgen "B" korpýsy laýazymdaryna konkýrstyq irikteýsiz ornalasý quqyǵy berilgendigin aıtty. "A" korpýsynyń kadr rezervin qalyptastyrý jáne oǵan irikteý tártipteri alynyp tastaldy. Sondaı-aq, aýyldyq okrýgterdiń ákimderi apparattarynda jumys isteýge nıet bildirgen azamattardy áleýmettik qoldaý maqsatynda olardy "Dıplommen aýylǵa" baǵdarlamasyna engizý kózdelýde.

 

Túrkistan oblysy

Sońǵy jańalyqtar

QHL: Vıza bermeı jatyr

Hokkeı • Keshe

COVID-19 adamnan ıtke juqqan

Koronavırýs • Keshe

Uqsas jańalyqtar