Aımaqtar • 29 Shilde, 2020

Gúlshara Ábdiqalyqova: Saqtyq sharalaryna baǵyný – azamattyq boryshymyz, basty ustanymymyz bolý kerek

38 ret kórsetildi

Búgin oblys ákimi Gúlshara Ábdiqalyqovanyń qatysýymen pandemııamen kúres baǵytynda atqarylyp jatqan jumystar men aımaqtyń ekonomıkalyq ahýaly jóninde brıfıng ótti, - dep habarlaıdy Egemen.kz

Jalpy oblysta koronavırýs indetimen syrqattanǵan 2 859 adam tirkelgen. Osy kúnge deıin naýqastardyń 1965, ıaǵnı 69% jazylyp shyqty. Jeti naýqas indetten qaıtys bolǵan.

Epıdmaýsym bastalǵanda oblysta barlyǵy 976 tósek-oryn daıyndaldy. Onyń 135-i ınfeksııa, 241-provızor, 600-karantındik oryn. Búgingi kúni olardyń sany 2405-ke artty.

- Qajettilik týyndaǵan jaǵdaıda 500 tósek oryn rezervimiz bar. Onyń ishinde ınfeksııalyq 200 jáne provızorlyq 300 oryn ázirlendi. Oblysta 6 kompıýterlik tomograf qyzmet kórsetedi. Onyń 4-eýi oblys ortalyǵynda, 2-eýi aýdanda ornalasqan. Qosymsha apparat alýǵa demeýshilerdi tartý máselesi qarastyrylýda, - dedi oblys ákimi G.Ábdiqalyqova.

О́ńirde 52 rentgen apparatynyń 20-y oblys ortalyǵyndaǵy, 32-si aýdandardaǵy medısına mekemelerinde qyzmet kórsetedi. 107 ókpeni jasandy jeldetý apparaty bar. Densaýlyq saqtaý mınıstrligine taǵy osyndaı 192 qurylǵyǵa tapsyrys berildi. Sonymen qatar, 153 ottegi konsentratory bar. Keshe qosymsha óńirimizge «Shuǵyla» qoǵamdyq qory tarapynan 200 dana ottegi apparaty jetkizildi.

COVID-19 ınfeksııasyna qarsy kúres sharalaryna tartylǵan 2407 medısına qyzmetkerine qarjylaı qoldaý maqsatynda pandemııa kezeńinde 4 aıda 1 mlrd 117,6 mln teńge tólendi. Sondaı-aq, oblystyń barlyq emdeý mekemeleri birinshi tıptegi kostıýmdermen, qorǵanys quraldarymen qamtamasyz etilip, qajetti bekitilgen 26 túrli dári-dármektiń 2 aılyq qory qalyptasty. "SK Farmasııadan" keletin barlyq dári-dármektiń 100 paıyzy keldi. Al, dárihanalarda 1 aıǵa jeterlik dári qory qalyptasty. Búgingi kúni suranystaǵy dárilerdiń barlyǵy satylymda bar.

Oblys ákimi óńir ekonomıkasyn qaıta qalpyna keltirý aıasynda atqarylyp jatqan sharalarǵa toqtaldy.

- Ekonomıkalyq jaǵdaıdy eskere otyryp, oblystyń 2020 jylǵa arnalǵan bekitilgen bıýdjet qaıta qaralyp, 2,2 mlrd. teńge shyǵys qysqartyldy. Ekonomıkany qaıta qalpyna keltirý jónindegi oblystyq jospar bekitildi. Josparǵa sáıkes jergilikti joldardy jóndeý, sý jáne jylý júıesin jańǵyrtý, energııamen qamtamasyz etý, jańa jumys oryndaryn ashý, aýyl sharýashylyǵy jáne áleýmettik salany damytý baǵytynda sharalar júzege asyrylatyn bolady, - dedi oblys ákimi.

О́ńir ekonomıkasyn qaıta qalpyna keltirý aıasynda óńirge jańa ınvestısııalar tartylýda. Atap aıtsaq, quny 1,5 mlrd teńge bolatyn jylyna 130 tonnaǵa deıin túıe sútinen qurǵaq untaq óndiretin sehtyń qurylysy. Jáne quny 3 mlrd teńgelik ıspandyq sehtyń qurylysy. Bul sehta jylyna 180 myń tonna tuz óndiriledi. Eki joba da Aral aýdanynda júzege asyrylady.

Munymen qosa, 2020 jyldyń ekinshi jartyjyldyǵynda Aral aýdanynda kalsıılengen soda, Qyzylorda qalasynda shyny plastık qubyrlar shyǵaratyn zaýytar men Jańaqorǵan aýdanynda kún elektr stansııasynyń qurylysy bastalady dep josparlanýda. Sonymen qatar, jyl sońyna deıin 3 óndiris iske qosylady dep kútilip otyr. Olar: Qyzylorda qalasynda shyny zaýyty, Aral aýdanynda kvars qumyn baıytý boıynsha taý-ken baıytý kombınaty (birinshi jelisi) jáne Qarmaqshy aýdanynda qus fabrıkasy.

Jıyn sońynda oblys ákimi turǵyndardy saqtyq sharalaryn saqtaýǵa shaqyrdy.

- Aldymyzda barsha musylman qaýymynyń asyǵa kútetin «Qurban aıt» merekesi kele jatyr. Keshe ǵana oblystyń bas sanıtarlyq dárigeriniń qaýlysy qabyldanyp, qaýlyǵa sáıkes qurban shalý rásimderi onlaın formatta uıymdastyryldy. Sondyqtan, jaqyndarymyzdyń amandyǵy men saýlyǵy úshin kópshilik sharalardan bas tartyp, jamaǵat bolyp jınalmaı, otbasynda atap ótýge shaqyramyn. Saqtyq sharalaryna asa mán berip, talaptarǵa baǵyný - tek ózimizdiń densaýlyǵymyz úshin ǵana emes, tutas el aldyndaǵy azamattyq boryshymyz, sanaly túrde basty ustanymymyz bolý kerek, - dedi Gúlshara Ábdiqalyqova.

Sońǵy jańalyqtar

Tashkent tragedııasy

Sport • Keshe

Uqsas jańalyqtar