Kásipkerlik sýbektiler de bul isten syrt qalmaı, koronavırýs pandemııasymen kúreste ózderiniń qoldarynan kelgen úlesterin qosýda. Búginde «Dolce-Pharm» JShS otandyq farmasevtıkalyq óndiristik kompanııasy bıznestiń áleýmettik jaýapkershiligi aıasynda 100 myń maska berdi, olar shahardaǵy 23 medısınalyq mekeme arasynda bólinip, taratylady.
"Búgingi tańda biz qalaǵa 100 myń maska syıladyq. Bul ákimdikpen sheshilgen másele. 5340 orynǵa 23 aýrýhanaǵa biz 100 myń kómir fıltrli maska beretin bolamyz. О́z kezeginde biz barlyq aýrýhanalarǵa Ákimdik bergen aýrýhanalar tizimi boıynsha óz esebimizden jetkizetin bolamyz", - dedi Dolce kompanııasynyń kommersııalyq dırektory Baıan Demeýova.
Qarapaıym maskalar tek 2 saǵat taǵylsa, kómir fıltrli maskany 4-5 saǵat boıy, eki ese uzaǵyraq taǵýǵa bolady.
Sonymen birge, ol bolashaqta onkologııalyq jáne balalar aýrýhanasynyń medısınalyq qyzmetkerlerin maskalarmen qamtamasyz etýde kómek kórsetý josparlanýda.
Jalpy, "Dolce-Pharm" kompanııasy Almaty qalasynyń ákimdigimen kelisim aıasynda megapolıstiń 23 dárihanasyna maskalar jetkizedi. Pandemııa bastalǵaly Dolce kompanııasy qalanyń dárihanalaryna kún saıyn 2-3 myń maska jetkizip otyrǵan.
