Ekonomıka • 30 Shilde, 2020

Áleýmettik jobanyń jańa úlgisi: jataqhana salýdaǵy tıimdi tásil

30 ret kórsetildi

Qazaqstan Respýblıkasynyń Tuńǵysh Prezıdenti – Elbasy jarııalaǵan Bes áleýmettik bastamanyń bir baǵyty stýdent jastardyń turmys jaǵdaıyn jaqsartý baǵdaryn ustanǵany belgili. Osy bastamany júzege asyrý sátinen elimizde 9 myń orynǵa arnalǵan 34 jataqhana paıdalanýǵa berildi.

 

1

M.S. Nárikbaev atyndaǵy «KAZGIýÝ ýnıversıteti» AQ jataq­hanasynyń ishki kórinisi

 

«Bul zor máseleni sheshý úshin at salysamyn», dep ilkimdi iske bilek sybana kirisken ınvestor nemese jeke kásipker jataqhanany óz qarajaty esebinen salyp, nysandy (jataqhanany) stýdentter ıgiligine paıdalanýǵa bergennen keıin memleket tarapynan 8 jyl boıy úzdik­siz negizde aqsha tólemderi júrgi­ziletin bolady.

Jyl saıyn ár orynjaı úshin jańadan jataqhana salynǵan jaǵ­daıda – 122 AEK (Almaty qalasy úshin bul kórsetkish 144 AEK), ǵı­maratty jataqhana retinde rekonstrýksııalaý jasalǵan jaǵdaıda 47 AEK kóleminde qarjy tólenedi.

Sondaı-aq jataqhana salý (rekons­trýksııalaý) jobalaryn iske asy­ratyn kásipkerlerge mem­leket­tik tapsyrystan basqa qosym­sha usynystar bar, olar:

1) «Qarapaıym zattar ekonomı­kasy» memlekettik baǵdar­la­ma­­sy aıasynda banktik nesıe­ler mól­sher­lemesin sýbsıdııa­laý. Qol­daýdyń bul sharasy kásip­ker­lerge qa­ryz­dyq júktemeni azaıtýǵa jáne nesıeni jyldyq 6%-ben tóleýge múm­kindik beredi. Sonymen qatar nesıe tartý úshin kepildik bol­maǵan jaǵ­daıda «Da­mý» qo­ry­nan kepildikti qam­ta­masyz ete­­tin qosymsha tetikter de qa­ras­­tyrylǵan. Bul – óte ońtaıly tásil.

2) Stýdentter tóleıtin aı sa­ıyn­ǵy turý aqysy memleket tap­syry­synyń qunyna kirmeıdi. Onyń mólsherin jataqhananyń men­­shik ıesi derbes retteıdi jáne ol naqty óńirdegi turǵyn úı nary­ǵy­nyń shynaıy sharttaryna sáıkes anyq­talady.

3) Qurylysty salýshy nemese ǵımaratqa rekonstrýksııa ja­saýshy tarap (menshik ıesi) tur­mystyq qyzmetter kórsetý maq­satynda kommersııalyq alańdar ja­saqtaýǵa quqyly. Olardyń ne­gizgi tutynýshylary, árıne, ja­­taq­hana turǵyndary bolary kúmánsiz.

4) Sonymen qatar eger belgili bir tulǵa belgili bir ǵımarattyń ıesi bolsa, ony rekonstrýksııa ar­­­qyly jataqhana retinde paıda­lanýǵa bergennen keıin, ol tulǵaǵa memlekettik tapsyrysty alýǵa bolady.

Istiń utymdy bir tusy – ǵıma­rattyń ınvestordyń menshiginde qalýy.

Jobaǵa qatysýdyń birshama sharttary bar, onyń bastysy – qolǵa alǵan isti ilgeri bas­ty­rý úshin bastapqy kapıtal men jer teli­miniń bolýy. Jer telimi bol­maǵan jaǵdaıda biz ony memleket-je­kemenshik áriptestigi tetigi ne­gizinde, óńirlerdiń áleýmettik-kásip­­kerlik korporasııalarymen birge jobany bastamalaý nemese kon­sorsıým qurý jolymen re­sýrs­tardy biriktirý arqyly alý­dyń birqatar tıimdi joldaryn usy­namyz.

Kelesi shart – jataqhana ǵıma­­ratynyń nysandy maqsatta qol­danylýy 20 jyl ishinde saq­talýy tıis. Osy turǵyda, bul nysandy 20 jyl ishinde bankke kepilge qoıý nemese satý múmkindigi bar, biraq satyp alýshy da atalǵan merzim aralyǵynda ǵımarattyń nysandy qoldanýyn ózgertpeýi shart.

Osy turǵyda jobaǵa qyzyǵý­shylyq tanytqan tulǵalar úshin 2 mysal negizinde (qurylys jáne rekonstrýksııa jolymen) Úshinshi áleýmettik bastama aıasynda paı­da­lanýǵa berilgen jataqhanalar jó­nin­de málimet usyna ketken jón bolar.

1) Jańa qurylys jolymen: M.S.Nárikbaev atyndaǵy «KAZGIýÝ ýnıversıteti» AQ stý­­dentteri úshin – 370 oryndyq jataqhana paıdalanýǵa berildi. Jataq­hana zamanaýı úlgide salyn­ǵan. Jatyn oryndardan bólek stýdentter qolaılylyǵy úshin kórkem bezendirilgen kovorkıng ortalyǵy jáne ashana bar. Ýnı­versıtet 8 jyl ishinde ornalastyrylatyn mem­lekettik tapsyrys aıasynda 1 mlrd teńgeden astam qarajat kóleminde qarjy alady jáne jataqhana nysany óz menshikterinde qalady. Jataqhanada aı saıynǵy turý quny – 10 myń teńge.

2) Rekonstrýksııa jolymen: «Ta­raz ınnovasııalyq-gýma­nı­tar­lyq ýnıversıteti» óz oqý orny­nyń stýdentterine – 500 oryn­dyq jataq­hanany oryn tapshy­lyǵyn sezingen jas­tar ıgiligine tapsyrdy. Rekon­strýk­sııadan ótkizilgen ǵımarat – burynǵy «Ta­raz» qo­naqúıi. Ashyq kózderden alyn­ǵan málimetterge sáıkes, elimiz­degi qonaqúılerdiń ortasha tolymdylyǵy 26,4%-dan kem. Ýnıver­sıtet 8 jyl ishinde ornalastyrylatyn memlekettik tapsyrys aıasynda 550 mln teńgeden astam qarajat kóleminde qarjy alady jáne jataqhana nysany óz menshikterinde qalady. Jataq­hanada aı saıynǵy turý quny – 10 myń teńge. Demek, adam tolmaıtyn qonaqúıge ıelik etkenshe, jataqhanaǵa qaıta beıimdeý qarjylyq turǵydan da ınvestor úshin áldeqaıda tıimdi.

Jobaǵa qyzyǵýshylyq tanyt­qan múddeli taraptarǵa qatysý sharttarymen tolyq tanysý úshin studdom.fincenter.kz saıtyna kirý jáne 8 (7172) 695-127, 8 (705) 198-01-01 telefon nómirlerine habarlasý qajet. Al odan keıingi qadam – shart jasasý úshin Qarjy ortalyǵyna ótinish berý kerek. (Shart­tyń úlgilik nysany jáne ony jasasý úshin qajetti qujattar tizbesi invest.fincenter.kz telegram-arnasynda ornalastyrylǵan).

Biz, árıne, máýeli jemisin berer ekijaqty tıimdi áriptestikke qashanda múddelimiz.

1

1

Taraz ınnovasııalyq-gýma­nıtarlyq ýnıversıteti jataq­hanasynyń kórinisi

 

 

«Qarjy ortalyǵy» aksıonerlik qoǵamy

 

Sońǵy jańalyqtar

Altyn astyq qambaǵa quıyla bastady

Qazaqstan • Búgin, 14:10

Almaty qalasynda jer silkindi

Ekologııa • Keshe

Adasqan balalar aman-esen tabyldy

Aımaqtar • 07 Tamyz, 2020

Prezıdent Ahmetjan Esimovti qabyldady

Prezıdent • 07 Tamyz, 2020

Uqsas jańalyqtar