Saıasat • 30 Shilde, 2020

Amanatqa adal jandardy irikteıdi

33 ret kórsetildi

Elbasy, Nur Otan partııasynyń Tóraǵasy Nursultan Nazar­baev­tyń sheshimimen osy jyldyń 17 tamyzy men 3 qaza­ny aralyǵynda partııaishilik tańdaý – praımerız ótki­zil­mek. Soǵan sáıkes aldaǵy ýaqytta aımaqtarda más­lı­hat de­pýtat­ty­ǵyna saılaýǵa túsetinderdiń 70 paıyzy praı­me­rız arqyly irik­telgen úmitker retinde óz baǵy men babyn sy­naı­dy.

Praımerız – partııanyń ár óńir­de ótkiziletin saılaý aldyn­daǵy ishki saılaýy. Uǵy­nyq­ty tilmen aıtqanda depýtat retin­de halyqqa qyzmet etýge be­lin bekem býǵan azamat­tar­dyń anyqtalyp, olardyń el tir­ligine aralasýyna múmkindik beretin alań. Isker azamattardy irik­tep, olardyń saılaý degen saıası tartysqa túsýine jol ashatyn praımerız AQSh, Kanada, Argentına, Ýrýgvaı, Germanııa, Túrkııa, Ulybrıtanııa, Ispa­nııa, Italııa syndy elderde qu­qyq­tyq salmaǵy basym format bolyp tabylady. Qazaqstan tarı­hynda mundaı demo­kra­tııa­lyq aksııany alǵash bolyp Nur Otan partııasy qolǵa alyp otyr.

О́zeginde teńdik, ádilet­ti­­­lik de­gen uǵymdar jat­qan de­mok­ra­tııanyń damýy­na, dá­ýir­le­ýi­ne jol ashatyn praımerız jańa kósh­bas­­shylardy anyqtaýǵa múm­kin­­dik beredi. Qoǵam ómiri­ne beı-jaı qaramaıtyn úmit­ker­ler­diń ishinen depýtat bolýǵa la­ıyqtylar partııa múshe­le­ri­niń daýys berýimen irik­te­le­di.

Jasyratyny joq, qazirgi tańda qoǵamda depýtat bolý úshin mol mal-dúnıeń, adymy ashyl­ǵan bıznesiń, qarjylaı qoryń, demeýshilik tirligiń bolýy kerek degen qasań túsinik bar. Depýtattardyń arasynda qaıyrymdylyq isterge den qoıyp, jomarttyq tanytyp júr­gen azamattar barshylyq. Olardyń bul ıgi qadamyn qol­daı­myz. Biraq depýtat ju­my­sy­nyń órisi osymen ǵana shektelmeı, odan da keń bolýy tıis. Ol qoǵamda bolyp jatqan túrli máse­lelerdi tap basyp, olardy sheshýge atsalysatyn azamat bolýy qajet. Barlyǵyna topyraq shashýdan aýlaqpyz, biraq qazirgi tańda qoǵamymyzda saılaýshylar úshin «saǵymǵa» aınalǵan de­pýtat­tar kezdesedi. Mine, praı­merız jaýapty ári saýapty qyz­metke saılanyp alyp, halyq ama­natyn súlesoq arqalap júr­gen sondaı azamattardy shetke yǵys­tyryp, oralym­dy qabileti bar jandarǵa el ıgi­­ligi úshin ju­mys isteýge múm­­­kin­­dik bere­tin saıa­­sı qadam.

Halyq amanatyn arqalaǵan adam buqaramen tyǵyz baılanysta bolýy qajet. Olaı bolsa, saılaý aldyndaǵy saılaýda, ıaǵnı praımerızde qolynan is ke­letin, san alýan daý-sharǵa aralasa alatyn, bılikke túrli problemalardy sheshýdiń joldaryn usyna biletin, oı órisi keń, qoǵamdyq jumystardyń bel ortasynda júretin azamat­tar tańdalady. Endeshe, alda­ǵy ýaqytta ótkeli otyrǵan praı­me­rız­diń el damýyna qosar úlesi az bol­maıtynyna seneıik.

 

Talǵat BALTABAEV,

jýrnalıst

 

Sońǵy jańalyqtar

Uqsas jańalyqtar