Úkimet • 30 Shilde, 2020

Roman Sklıar jumys saparymen Tatarstanǵa bardy

14 ret kórsetildi

Sapar aıasynda QR Premer-Mınıstriniń orynbasary Roman Sklıar Nıjnekamsk jáne Naberejnye Chelny qalalarynda boldy, onda Qazaqstan Respýblıkasy men Tatarstan Respýblıkasy arasyndaǵy ónerkásiptik kooperasııa jáne ınvestısııalyq yntymaqtastyq máseleleri qaraldy. Bul týraly Premer-Mınıstrdiń baspasóz qyzmeti habarlady, - dep jazady Egemen.kz

Sapar barysynda Roman Sklıar Tatarstan Premer-Mınıstri Alekseı Pesoshınmen jáne "KAMAZ" О́AQ, "Tatneft" О́AQ, "Nıjnekamskshına" О́AQ iri ónerkásiptik jáne qala quraýshy kásiporyndarynyń basshylarymen ekijaqty kezdesýler ótkizdi. Qazaqstan Úkimeti basshysynyń orynbasary óndiristik qýat kózderimen tanysyp, avtomobıl jasaý, munaı-hımııa ónerkásibi, sondaı-aq avtomobıl jáne ónerkásiptik shınalar óndirisi salasynda birlesken óndirister qurý jáne ınvestısııalyq jobalardy iske asyrý máselelerin talqylady.

Atap aıtqanda, "Tatneft" О́AQ men "Allıýr» kompanııalar toby" AQ arasynda Qazaqstan Respýblıkasynda shına óndirisin uıymdastyrý boıynsha jol kartasyna qol qoıyldy. Jobany iske asyrý 1000 jumys ornyn qurýǵa jáne shınalarǵa degen ósip kele jatqan suranysty qanaǵattandyrýǵa, óndiristi oqshaýlaýǵa, kórshi elderge eksporttyq áleýetti damytýǵa múmkindik beredi. Bul rette óndiristik qýaty jeńil tehnıka úshin 3 mln shınany quraıtyndyqtan, ulǵaıtý múmkindigin 3,6 mln shınaǵa deıin arttyrýǵa bolady.

Qazaqstandyq tarap tikeleı sheteldik ınvestısııalardy tartý, otandyq ónerkásipti damytý jáne ımportty almastyrý máseleleri QR Úkimeti qyzmetiniń basym baǵyttary bolyp tabylatynyn atap ótti.

Sapar qorytyndysy boıynsha taraptar ekijaqty saýda-ekonomıkalyq jáne ınvestısııalyq yntymaqtastyq jobalaryn iske asyrý jónindegi jumysty jandandyrýǵa kelisti.

Sońǵy jańalyqtar

Sora ekken turǵyn tergelýde

Aımaqtar • Keshe

Uqsas jańalyqtar