Ekonomıka • 30 Shilde, 2020

Elimizde 800 shaqyrym sýmen jabdyqtaý jelisi jańǵyrtylady

22 ret kórsetildi

"Jyl sońyna deıin 1,2 mln qazaqstandyqty jumyspen qamtý josparlanýda", deıdi R.Dálenov. Bul týraly UEM baspasóz qyzmeti habarlaıdy, dep jazady Egemen.kz

Ulttyq ekonomıka mınıstri Rýslan Dálenovtiń aıtýynsha, turǵyndardy sapaly turǵyn úı-kommýnaldyq qyzmetimen qamtamasyz etý úshin ınjenerlik ınfraqurylymdy jańǵyrtý jumystary jalǵastyrylýda.

"Aǵymdaǵy jylǵy alty aıda 800 shaqyrym sýmen jabdyqtaý men sý tartý jelisi jóndeledi. Budan basqa, óńirdi gazdandyrý úshin 13,7 mlrd teńgelik 21 joba iske asyrylady", - dedi ol.

Jalpy memlekettik baǵdarlamalar sheńberinde aǵymdaǵy jyl sońyna deıin jumys ornyn qurý boıynsha 1,2 mln azamat qamtylady.

"Budan basqa, 2 mln jumys ornyn jáne turaqty eńbekaqy tóleýdi saqtaý úshin ákimderdiń, jumys berýshilerdiń jáne kásipodaqtardyń arasynda 140 myń memorandým jasaldy. 1,1 mln adam jumys isteıtin 1 myń iri kásiporynnan eńbek resýrsynyń aýystyrylýyn basqarý jónindegi jol kartalary bekitildi", - deıdi Ekonomıka mınıstri.

Sońǵy jańalyqtar

Tashkent tragedııasy

Sport • Keshe

Uqsas jańalyqtar