Aımaqtar • 30 Shilde, 2020

Jambyl oblysynyń agrarlary óz máselelerin senatorlarǵa jetkizdi

11 ret kórsetildi

Senatorlar Ábdáli Nuralıev pen Muratbaı Joldasbaev Jambyl oblysyna sapary barysynda Baızaq aýdany Aqsholaq aýylynyń sharýashylyqtaryn aralady. Eginge qajetti sý máselesine qatysty áńgimege Merki men Jambyl aýdandarynyń agrarlary da qosyldy. Olardyń aıtýynsha óńirdegi sýmen qamtamasyz etý máselesi tez arada sheshýdi talap etedi. Eger másele sozylatyn bolsa, egis ónim bermeýi múmkin. Bul týraly Senattyń baspasóz qyzmeti habarlady, - dep jazady Egemen.kz

Aýdandyq aýyl sharýashylyǵy bólimi ókilderi bıyl kórshi Qyrǵyzstan eginge qajetti sýdy az kólemde jiberip jatqanyn aıtty. Ásirese bul jaǵdaı ystyqqa baılanysty sý kóp qajet bolǵan shilde aıynda qatty sezilgen. Qazirgi tańda Baızaq aýdanyndaǵy egis alqaptary úshin sekýndyna 35-40 tekshe metr sý qajet, biraq sharýalar onyń tek jartysyna jýyǵyn alyp otyr. Osynyń sebebinen olar sýdy kezekpen paıdalanýǵa májbúr. Basym daqyldar retinde qant qyzylshasy, júgeri, kókónister men baý-baqsha ónimderi belgilengen. Eger alqapqa sý jetpese, daqyldar ónim bermeıtini belgili.

Senatorlar atalǵan máseleni Qazaqstannyń Ekologııa, geologııa jáne tabıǵı resýrstar mınıstrligimen, jergilikti atqarýshy organdarmen birlese sheshýge nıetti.

Fermerler depýtattardyń aldynda ózge de máselelerdi kóterdi. Bitik ónim alǵannyń ózinde kásiporyndar qarjylaı tabys tappaıtyn jaǵdaılar da kezdesedi eken. О́tken kúzde jınalǵan qyzylshany agrarlar Merki qant zaýytyna ótkizgen, biraq aqshasyn áli kúnge deıin almaǵan.

Senat depýtaty Muratbaı Joldasbaev bul máseleniń dereý sheshilýi úshin kómek kórsetetinin jetkizdi.

"Eger taraptardyń biri kelisim shartyn oryndamaǵan jaǵdaıda ekinshi tarap sotqa júginýge májbúr bolady. Men tıisti sharalardy qolǵa alyp, máseleniń tez sheshilýi úshin atsalysamyn", - dedi senator.

Sońǵy jańalyqtar

Qyzylordada eki kúnde 36 adam ustaldy

Aımaqtar • Búgin, 17:51

Sora ekken turǵyn tergelýde

Aımaqtar • Búgin, 16:33

Alaqandaı Artem: 980 gramm ómir

Qoǵam • Búgin, 16:00

Arzan ton alamyn dep aldanyp qaldy

Aımaqtar • Búgin, 14:30

Bir aıda 20 mln teńge aıyppul

Aımaqtar • Búgin, 09:12

56 shaqyrymdy júzip ótti

Sport • Búgin, 08:33

Bıznesti qoldaý mańyzdy

Saıasat • Búgin, 08:24

Jastarǵa jan-jaqty kómek bar

Qoǵam • Búgin, 08:20

Uqsas jańalyqtar