Pavlodar qalasy TKSh bóliminiń bas mamany Baǵdat Janǵulovanyń aıtýynsha, búgingi tańda 60-qa jýyq aýla aýmaǵynda balalar alańdary ornatylýda.
- Búgingi kúni toǵyz aýlada tartan jabyny bar balalar alańdary jasaldy, - deıdi Baǵdat Janǵulova. - Qalǵan qyryq ýchaskede alańdy daıyndaý jumystary júrgizildi. Turǵyndar tarapynan alań daıyndalǵanymen, jumystyń aıaqtalmaǵany jaıly kóptegen pikirler aıtylyp jatyr. Bul rette, turǵyndar balalar alańyn ornatpas buryn osy ýchaskeniń kommýnaldyq qyzmetterimen kelisim boıynsha jumys júrgiziletinine nazar aýdarǵandary jón. Eger jeliler bar bolsa, onda sáıkesinshe oıyn alańy ol jerde ornatylmaıdy. Osyndaı jumystardan keıin ǵana balalar alańy qaýipsiz jerge ornatylady. Bul úshin belgili bir ýaqyt qajet ekenin eskerý qajet.
