"Jaýapqa tartylǵan 49 adamnyń 17-si basshylar, onyń ishinde 3 – respýblıkalyq, 6 – oblystyq, 5 – qalalyq jáne aýdandyq mańyzy bar jáne 3 aýyldyq okrýg ákimderi", dedi Murat Tóleýbaev.
Spıkerdiń aqparaty boıynsha, aǵymdaǵy jyldyń 6 aıynda óndiriste bolǵan 100-den astam qylmystyq isterdiń 74%-y aýyr qylmystarǵa jatady. Onyń ishinde 36 adamǵa qatysty 42 is sotqa joldandy. Sondaı-aq, oblystyń Sybaılas jemqorlyqqa qarsy qyzmeti júıeli sybaılas jemqorlyqtyń 6 faktisin anyqtady, onda 28 qylmys áshkerelendi jáne 19 adam jaýapqa tartyldy. Mysaly, oblystyń Mádenıet, muraǵattar jáne qujattama basqarmasynyń basshysyna qatysty qylmystyq is óndirispen aıaqtaldy jáne sotqa jiberildi. Ol basqa memlekettik mekemeler men uıymdar basshylarymen qylmystyq sóz baılasyp, júıeli negizde "Rýhanı Jańǵyrý" memlekettik baǵdarlamasy sheńberinde júzege asyrylatyn jobalardy iske asyrý boıynsha memlekettik satyp alýdy ótkizý kezinde para alý jáne bıýdjet qarajatyn urlaý boıynsha sybaılas jemqorlyq shemalaryn uıymdastyrǵan.
Shaǵyn jáne orta bıznes qyzmetine aralasýdyń birqatar faktileriniń joly kesildi. Atap aıtqanda, aldaý jolymen kompanııa dırektorynan ónerkásiptik qaýipsizdik salasyndaǵy jumystardy júrgizýge attestat alýǵa baılanysty máseleni oń sheshkeni úshin 800 myń teńge somasynda aqshalaı qarajat alǵan úshin Indýstrııalyq damý jáne ónerkásiptik qaýipsizdik komıteti departamentiniń basshysy sottaldy.
Memlekettik baǵdarlamalardy súıemeldeý aıasynda óńirdiń Sybaılas jemqorlyqqa qarsy vedomstvosymen 15 qylmys tirkeldi. Laýazymdy tulǵalardyń kóleńkeli ekonomıka sýbektilerine qamqorlyq jasaý faktileri anyqtaldy. Aǵymdaǵy jyldyń 6 aıyndaǵy jumys qorytyndysy boıynsha memleketke ótelgen zalal 500 mıllıon teńgeden astam somany qurady.
"Sybaılas jemqorlyqqa qarsy qyzmet óz qyzmetinde sybaılas jemqorlyq áreketterin jasaǵany úshin jazalaýdyń bultartpastyǵy qaǵıdatyn basshylyqqa alatynyn aıtqym keledi. Árbir azamatty sybaılas jemqorlyqtyń kez kelgen kórinisterine tózbeýshilik tanytýǵa jáne osyndaı quqyq buzýshylyqtarǵa tap bolǵan kezde dereý habarlaýǵa shaqyramyn", dep qorytyndylady oblystyń Sybaılas jemqorlyqqa qarsy qyzmetiniń basshysy.
