Aımaqtar • 30 Shilde, 2020

Shymkenttegi "iKomek" ortalyǵyna kelip túsken suraqtar tolyqtaı qaralýda

31 ret kórsetildi

Shymkent qalasynyń ákimi Murat Áıtenovtyń tapsyrmasymen "iKomek" jedel qyzmet etý ortalyǵy ashylǵan bolatyn. Kúni keshe qala basshysy ortalyqtyń jumysymen tanysyp qaıtty. Qalada kórsetiletin qyzmetterdiń tıimdiligin arttyrýda atalǵan ortalyqtyń qosar úlesi mol ekenine senim bildirgen qala ákimi, mekeme shahardaǵy kúrmeýi sheshilmegen kóp máseleni anyqtap, jedel ári sapaly sheshilýine yqpal etetinin aıtty, - dep jazady Egemen.kz

"Memleket basshysy Q.Toqaev óz Joldaýynda azamattardyń barlyq ótinish-tilekterin jedel ári tıimdi qarastyratyn "Halyq únine qulaq asatyn memleket" tujyrymdamasyn iske asyrýdy aıtqan bolatyn. Atalǵan ortalyqtyń jumysy - osy tujyrymdamada kórsetilgen barlyq azamattardyń ótinishterine jedel jáne tıimdi áreket etýge baǵyttalýy tıis",-dedi qala basshysy.
 
Úshinshi megapolıstegi qyzmet kórsetý sapasyn arttyrý maqsatynda ashylǵan "109" biryńǵaı telefon nómirine bir aı kóleminde 7000-ǵa jýyq qońyraý kelip túsip, olardyń 95 paıyzy qanaǵattandyrylǵan. Ortalyqqa qazir negizinen karantın rejimine qatysty saýaldar kelip túsýde.
 
Qazirgi tańda ortalyqta jalpy 33 maman úsh baǵytta jumys isteıdi. Áýeli turǵyndardan kelgen ótinish-shaǵymdardy operator qabyldap, odan ári ınspektor suraqtyń sapasy men mazmunyn baqylap, atqarýshy organdarǵa baǵyttaıdy. Úshinshisi, tapsyrmanyń oryndalýyn qadaǵalaıdy.
 
"iKomek" jedel qyzmet etý ortalyǵy turǵyndardyń ótinishin kúndiz-túni qabyldap, memlekettik jumystyń qyzmetin ashyq ári qoljetimdi etýdi kózdeıdi. Osyǵan deıin 30 mekememen baılanysta bolsa, endi qyzmet kórsetý aıasyn keńeıtip, olardyń qataryn 300-400-ge arttyrýdy josparlap otyr.
 
Sońǵy jańalyqtar

Sora ekken turǵyn tergelýde

Aımaqtar • Keshe

Uqsas jańalyqtar