Rýhanııat • 30 Shilde, 2020

Otandyq fılm Slovakııadaǵy kınofestıvalde júldeli boldy

26 ret kórsetildi

"Umaı" fılmi Slovakııadaǵy kınofestıvalde júldeli boldy, dep habarlaıdy Egemen.kz.

Rejısser Ińkár Ábdirashtyń "Umaı" ("Malchık ý okna") qysqametrajdy fılmi 2020 jyldyń shilde aıynyń qorytyndysy boıynsha aı saıyn ótetin Kosece International Monthly Film Festival Halyqaralyq kınofestıvalde (Slovakııa) "Úzdik rejısser-debıýtant" syılyǵynyń ıegeri atandy.

KIMFF festıvaliniń maqsaty dúnıejúzindegi talantty rejısserlerdi qoldap, olardy nasıhattaý. Slovakııanyń jas kınematografısterinen quralǵan festıvaldiń qazylar alqasy ár aı saıyn jeńimpazdardy anyqtaıdy. Jyl sońynda laýreattar óz nomınasııasy boıynsha kınofestıvaldiń basty júldesi úshin kúreske túsedi. Jyldyq júldelerdi tabystaý rásimi 2021 jyly mamyrdyń 26 men 28 aralyǵyna josparlanǵan.

Fılmdi QR Mádenıet jáne sport mınıstrliginiń tapsyrysymen Sh.Aımanov atyndaǵy "Qazaqfılm" kınostýdııasynyń "Debıýt" shyǵarmashylyq birlestigi túsirdi.

Sońǵy jańalyqtar

Tashkent tragedııasy

Sport • Keshe

Uqsas jańalyqtar