Úkimet • 30 Shilde, 2020

Asqar Mamın bıznesti qoldaý boıynsha qosymsha sharalar qabyldaýdy tapsyrdy

14 ret kórsetildi

QR Premer-Mınıstri Asqar Mamınniń tóraǵalyǵymen ótken memlekettik komıssııa otyrysynda QR Prezıdenti Qasym-Jomart Toqaevtyń karantındik sharalardy uzartý jáne karantınnen keıingi kezeńge daıyndyq jónindegi tapsyrmasynyń oryndalý máseleleri qaraldy, - dep jazady Egemen.kz

Elimizdegi epıdemıologııalyq ahýal, halyq pen bıznesti qoldaý sharalary týraly QR densaýlyq saqtaý mınıstri A. Soı, "Atameken" UKP tóraǵasy A. Myrzahmetov, QR Qarjy naryǵyn retteý jáne damytý agenttigi tóraǵasynyń orynbasary N. Ábdirahmanov, QR eńbek jáne halyqty áleýmettik qorǵaý mınıstri B. Nurymbetov, Almaty qalasynyń ákimi B. Saǵyntaev baıandady.

Úkimet basshysy aldaǵy eki apta ishinde óz qyzmetin ýaqytsha toqtatqan ekonomıka salalarynyń qyzmetin qalpyna keltirý boıynsha júıeli daıyndyq jumystaryn júrgizýdi tapsyrdy.

Ulttyq ekonomıka mınıstrligine múddeli memlekettik organdarmen, "Atameken" UKP-men birlesip, kásipkerlerge qoldaý kórsetý sharalaryn ázirleý tapsyryldy.

Eń kóp zardap shekken salalardaǵy ShOB sýbektilerine memlekettik qoldaý sharasy retinde nesıe tólemderin osy jyldyń 1 qazanyna deıingi merzimge keıinge qaldyrý múmkindigi usynylady.

Premer-Mınıstr bıznes sýbektileriniń qyzmetine qoıylatyn sanıtarlyq-epıdemıologııalyq talaptardy bekitýdi, sondaı-aq azamattar men kásipkerlik sýbektileriniń sanıtarlyq erejelerdi saqtaýyna tıisti baqylaý jasaýdy tapsyrdy.

Kásiporynnyń jumysyna salynǵan tyıymdy alyp tastaý algorıtmi kásipkerlerdi tirkeýdi jáne «Info Kazakhstan» elektrondyq platformasynda qyzmetti qaıta bastaýǵa ótinimder qabyldaýdy qamtıdy. Ákimdik, SEQ, óńirlik kásipkerler palatasy qyzmetkerleri men jurtshylyq ókilderinen quralǵan Komıssııa teksergennen keıin bıznes sýbektilerine qyzmetin qaıta bastaýǵa elektrondyq ruqsat beriledi.

Sıfrlyq damý, ınnovasııalar jáne aeroǵarysh ónerkásibi mınıstrligine koronavırýs ınfeksııasynyń aldyn alý jáne aqparattandyrýdy arttyrý boıynsha mobıldi qosymshalardy engizý tapsyryldy.

Sońǵy jańalyqtar

QHL: Vıza bermeı jatyr

Hokkeı • Keshe

COVID-19 adamnan ıtke juqqan

Koronavırýs • Keshe

Uqsas jańalyqtar