Aımaqtar • 30 Shilde, 2020

"Mádenı astana" jyly aıasynda Shymkentte 7 halyqaralyq is-shara ótedi

153 ret kórsetildi

Búgin aqparattyq-kommýnıkasııalyq ortalyǵynda Shymkent qalalyq Mádenıet, tilderdi damytý jáne arhıvter basqarmasynyń basshysy Rashıd Myńbaevtyń qatysýymen brıfıng ótti, - dep habarlaıdy Egemen.kz

Brıfıngte R.Mamytuly "Shymkent 2020 – TMD elderiniń mádenı astanasy" jyly aıasynda ótkiziletin sharalar jáne atqarylǵan jumystar jóninde sóz qozǵady.

"Elimizde engizilgen karantın rejımine baılanysty "Shymkent – TMD elderiniń mádenı astanasy» jylyna oraı is-sharalardy onlaın formatta ótkizemiz. Bul tamyz aıynda bastalyp, jyl sońyna deıin jalǵasady. Osy ýaqyt aralyǵynda halyqaralyq 7 mádenı shara ótedi. Olar – TMD elderi arasynda halyq aspaptarynda oryndaýshylardyń "Dostastyq halyqtarynyń mýzykasy", Qazaqtyń uly kompozıtory, Qazaqstan Respýblıkasy Ánuranynyń avtory Shámshi Qaldaıaqovtyń 90 jyldyǵyna arnalǵan "Meniń Qazaqstanym" estradalyq ánderdi oryndaýshylary, "Shymkent – qaıyrymdy qala" balalar shyǵarmashylyǵyna arnalǵan, "Dostastyqtyń opera juldyzdary" opera oryndaýshylary, TMD elderiniń teatr festıvalderi jáne Qazaqtyń uly oıshyl aqyny Abaı Qunanbaıulynyń 175 jyldyǵyna arnalǵan "Abaı sózi" onlaın oqý men TMD elderiniń halyqaralyq mýzeı aptalyǵy. Aıta keteıin, atalǵan is-sharalarǵa bıýdjetten qarjy qaralmaıdy", – dedi R.Myńbaev.

Spıkerdiń sózine súıensek, elimizde tótenshe jaǵdaı engizgen ýaqyttan beri qalalyq basqarmanyń 18 mekemesi tarapynan onlaın túrde 820 is-shara ótip, 63 beınerolık daıyndalyp, 300 myńǵa jýyq kórermen tamashalaǵan. Bul mádenı sharalarǵa qarjy jumsalmaǵan. Iаǵnı, atalǵan basqarmaǵa bólingen qarjy indetke baılanysty tolyq qaıtarylǵan. Osy rette basqarma basshysy "Shymkent qalashyǵy" (Sıtadel) nysanyn qaıta qalpyna keltirý jáne abattandyrý men murajaılandyrý jumystary aıaqtalyp jatqanyn alǵa tartyp, kúz aıynda bitetinin aıtty. Saltanatty ashylý rásimi onlaın formatta ótedi. 

 

Baspasóz májilisinde belgili bolǵandaı, búginde qalada ataýy joq 644 kóshe bar. Esepti merzimde ataýy joq kóshelerge ataý berý boıynsha jalpy sany 381 usynys jınaqtalyp, qujattary rásimdelip, Respýblıkalyq onomastıka komıssııasynyń qaraýyna engizilgen. Qalǵan ataýy joq kósheler boıynsha usynys tamyz aıynda Respýblıkalyq onomastıka komıssııasyna jiberiledi.

Sońǵy jańalyqtar

Altyn astyq qambaǵa quıyla bastady

Qazaqstan • Búgin, 14:10

Almaty qalasynda jer silkindi

Ekologııa • Keshe

Adasqan balalar aman-esen tabyldy

Aımaqtar • 07 Tamyz, 2020

Prezıdent Ahmetjan Esimovti qabyldady

Prezıdent • 07 Tamyz, 2020

Uqsas jańalyqtar