Medısına • 30 Shilde, 2020

Koronavırýsqa qarsy qazaqstandyq vaksına synaqtan sátti ótýde

72 ret kórsetildi

COVID - 19 koronavırýs ınfeksııasyna qarsy qazaqstandyq vaksına synaqtan sátti ótýde. Bul týraly Egemen.kz mınıstrliktiń baspasóz qyzmetine silteme jasap habarlaıdy.

Bıologııalyq qaýipsizdik problemalary ǵylymı-zertteý ınstıtýty COVID-19-ǵa qarsy vaksınany daıyndaýǵa naýryz aıynyń ortasynan bastap kiristi. Júrgizilgen ǵylymı zertteýlerdiń nátıjesinde 9 mamyrda BQPǴZI ǵalymdary alǵashqy vaksınany shyǵardy. 15 mamyrda Dúnıejúzilik densaýlyq saqtaý uıymy ony óz saıtynda klınıkaǵa deıingi synaqtarǵa arnalǵan kandıdattyq vaksına retinde tirkedi.

DDSU-da tirkelgen kúni zerthanalyq janýarlarǵa vaksınanyń klınıkaǵa deıingi synaqtary bastaldy. Búgingi tańda synaq nátıjeleri DDSU reglamenttegen barlyq parametrler boıynsha vaksına DDSU men QR memlekettik farmakopeıasynyń talaptaryna sáıkes keletinin kórsetedi.

BQPǴZI vaksınany antıdeneler tıtri joǵary ımmýnogendilikti kórsetken prımattarda da synaqtan ótkizip jatyr. Klınıkaǵa deıingi zertteýler aıaqtalǵannan keıin vaksınanyń klınıkalyq synaqtary bastalady.

Sondaı-aq, BQPǴZI ártúrli platformalarda taǵy 3 vaksınany daıyndap jatyr.

Sońǵy jańalyqtar

Uqsas jańalyqtar