Aımaqtar • 30 Shilde, 2020

Almatyda polıseıler Qurban aıt kezinde baqylaýdy kúsheıtti

14 ret kórsetildi

Polısııa departamentiniń jeke quramy kúsheıtilgen rejimge aýystyryldy. Bul týraly Polisia.kz-ke silteme jasaı otyryp Egemen.kz habarlaıdy.

Patrýldik narıadtardyń ornalasýy tyǵyzdalyp, ýchaskelik ınspektorlardyń aldyn alý jumystary jandandyryldy.

– Tájirıbe kórsetkendeı, departamenttiń qoǵamdyq tártipti saqtaýdy qamtamasyz etetin barlyq bólimsheleriniń úılesimdi jumysynyń arqasynda mereke kúnderi qylmystardyń eń az sany tirkeledi. Ádette, olar turmystyq sıpatta bolady. Al qylmys pen quqyq buzýshylyq jasalǵan jaǵdaıda polısııa barlyq qajetti sharalardy qabyldaıdy. Sondaı-aq, Almaty oblysy bas memlekettik sanıtarlyq dárigeriniń mindetin atqarýshynyń 2020 jyldyń 31 shildesi men 2 tamyzy aralyǵynda Almaty oblysynyń aýmaǵynda Qurban aıt merekesi kúnderi koronavırýstyq ınfeksııanyń taralýyna yqpal etetin barlyq belgilengen talaptardy saqtaý jáne buqaralyq is-sharalardy ótkizýge tyıym salý týraly qaýlysy erekshe oryndalatynyn atap ótken jón, – deıdi Almaty oblysy PD Jergilikti polısııa qyzmeti basqarmasynyń basshysy Baǵdat Áshimov.

Qurban aıt merekesi kúnderi barlyq uıymdarda, sondaı-aq jeke úıler men meshitterde adamdar kóp jınalatyn buqaralyq is-sharalardy ótkizýge; oblystyń ortalyq meshitimen belgilengen onlaın rejıminde qurbandyq shalýdy júzege asyratyndardy qospaǵanda, oblys aýmaǵynda soıýdy uıymdastyrý jáne ótkizý, kólikten jáne jeke úılerde mal satýǵa tyıym salynady; 31 shildeden 2 tamyzǵa deıin mal soıý sehtary men bazarlarynyń qyzmeti toqtatylady.

– Oblystyń eldi mekenderine kire beriste onlaın rejıminde qurbandyq shalýdy júzege asyrýǵa arnalǵan janýarlardy qospaǵanda, oblys aýmaǵyna janýarlardy ákelýge jol bermeý jáne jolyn kesý boıynsha baqylaý uıymdastyrylady. Sonymen qatar, belgilenbegen jerlerde turǵyndardyń mal soıýyna jol bermeý maqsatynda mal soıatyn barlyq oryndar men sehtar erekshe baqylaýǵa alyndy, – dep tolyqtyrdy Baǵdat Áshimov.

Sonymen qatar, polısııa qyzmetkerleri azamattarǵa eń aldymen óz qaýipsizdigine jaýapkershilikpen qaraý kerektigin eske salady. Tártip saqshylary eń bastysy – azamattardy quqyqtyq tártipti, zańdylyqty jáne karantındik normalardy saqtaýǵa, sondaı-aq Qurban aıt kezinde Quqyq qorǵaý organdary qyzmetkerleriniń qoǵamdyq tártipti saqtaýǵa jáne azamattardyń qaýipsizdigin qamtamasyz etýge baǵyttalǵan is-áreketterine túsinistikpen qaraýǵa shaqyrdy.

Sońǵy jańalyqtar

Qyzylordada eki kúnde 36 adam ustaldy

Aımaqtar • Búgin, 17:51

Sora ekken turǵyn tergelýde

Aımaqtar • Búgin, 16:33

Alaqandaı Artem: 980 gramm ómir

Qoǵam • Búgin, 16:00

Arzan ton alamyn dep aldanyp qaldy

Aımaqtar • Búgin, 14:30

Bir aıda 20 mln teńge aıyppul

Aımaqtar • Búgin, 09:12

56 shaqyrymdy júzip ótti

Sport • Búgin, 08:33

Bıznesti qoldaý mańyzdy

Saıasat • Búgin, 08:24

Jastarǵa jan-jaqty kómek bar

Qoǵam • Búgin, 08:20

Uqsas jańalyqtar